автордың кітабын онлайн тегін оқу Жаз келер
Жаз келер, қыстыгүнгі қысым өтіп,
Қар, суық, аяз, боран — бәрі кетіп.
Қасықтай қар, тобықтай тоң қалмайды,
Табиғат барша жанға рахым етіп.
Жетпекке үлкендікке жас балалар
Жүгірер қырдан-ойға дүбірлесіп.
Шал-кемпір күншуақтап көңілі жай боп,
Өткен күн, өмірін айтып күбірлесіп.
Бота, қүлын, бүзау, лақ, қозы туып,
Қуанып ойнақтайды олар да өсіп,
Сүйтсе де адам көзі бір тоймайды,
Харекет берсе-дағы қанша несіп.
