Шахсий хона
Ingliz adibasi Virjiniya Vulfning “Shaxsiy xona” esse-qissasi 1929-yilda nashr etilgan. Asarda u ayollar shaxsiy fikrini, o'zligini erkin ifoda etuvchi vositalarni ijtimoiy, tarixiy ko'lamda o'rganadi. Adibaning fikricha, ayollarda iste'dod bor, ammo sharoit va imkoniyatlar yetishmaydi. Agar ularda imkoniyatlar, mablag' va erkinlik bo'lsa, o'zlarini to'la namoyon etishlari mumkin. Vulf o'zidan oldingi adibalar — Jeyn Ostin, opa-singil Brontelar, Jorj Eliot kabi ijodkorlarning asarlariga to'xtaladi, ular yashagan davr muhitini tahlil qiladi.
