Шығыс махаббаты, қоғамдық дилеммалар және рухани даму туралы. Перизат Мырзахмет - сценарист, продюсер және «Өмірдің аты М» кітабының авторы сүйікті кітаптарының тізімімен бөлісті.
Заманауи авторлардан ойланбай ұсынатын үздіктердің бірі. Орта ғасырлық шығыс пен үшінші мыңжылдықтағы батыстың тоғысқан нүктесі. Автордың ой тереңдігі мен тілінің көркемдігі жаныңды оқырмандар жұмағына апарып тастайды.
Ұрпақтар сабақтастығы, адамның рухани тамыры, бір адамның тағдырына үлкен өзгерістердің әсерінің масштабы, табиғатпен көрінетін және көрінбейтін байланыс туралы үздік романдардың бірі және бірегейі. Ішіндегі ең әдемісі.
Бұл махаббат дастанын бірқатар шығыс ақындары жырлаған. Қазақ ақыны Шәкәрім Құдайбердіұлы даңқты Физулидің нұсқасын аударған екен. Жасөспірім кезімде танысып, махаббат оқиғасы ретінде, сопылық сарындағы, сұлу сөз бен сезімге толы дастан ретінде жүрегімді жаулап алған керемет шығарма.
Шағын жанрдың шебері Бейімбет Майлиннің қаламынан шыққан шағын ғана әңгіме өз уақытының проблемаларын, келбетін, адамдардың мұңы мен сырын шебер суреттеген. Қазақ прозасын зерттеген, танысқысы келетін адам соқпай кетпейтін бірден бір әңгіме.
Қазақ әдебиетімен танысуды кімнен, қай шығармадан бастайын деп сұрайтын оқырманға бірден ұсынатын авторым мен сүйікті повесім. Тілі өте жеңіл, сюжеті өте қызықты, астарлы, өзекті, адамның ішіндегі ерке баланың жандүниесін түсіндіретін повесть. Жасөспірімдерге де, үлкендерге де бірдей қызық, танымдық болады.
XX ғасырда, технология заманында өркениетті адам қандай болуы керек? Оны қандай ойлар толғандырады? Ол рухани толысу үшін қандай сұрақтар қойып, жауапты қайдан іздеп, кімнен табуы керек? Осы сұрақтардың бәрі авторды толғандырған, өз жауабын философиялық толғам, күнделікті көрініспен мысалдап берген тамаша кітап.
Үшінші мыңжылдықтың басты дерті — қуыскеуделіктің шығу тегі, белгілері мен сипаттары анық жазылған кітап. Әлемдік проблеманың қазақ қоғамына келу жолдары, сіңіру жолдары және болашақта одан арылмасақ та, күресу жолдарын дәйекті мысалдармен келтірген. Өзінің проблемаларының қайнаркөзін тапқысы келетін, жүрегін тыңдағысы келетін, рухани серік іздеп жүрген адамдарға таптырмас дүние.
