Қарғыбаулы қасқыр
Танымал қаламгер Ұларбек Дәлейұлының қаламынан туған шығармалардың негізгі өзегі — көшпенділер рухы, жүлгесі — тарихи шайқастар, тамыры — ұлы Ғұн мен көк Түріктер дәуірінен бастау алатын жауынгерлік хикаялар. Алтай бетін жайлаған қазақтардың атамекені үшін өткерген қиян-кескі соғысы, оған бас болған қазақ мергендерінің ерлігі деректер негізінде өрнекті тілмен баяндалады. Негізгі тамыры көшпенді жұрттың ерлік даңқынан қуаттанған тамаша жазу стилі оқырман жүрегіне жігер мен намыс отын құяды. Сонымен қатар, арасын шекара торы бөліп жатқан сонау Алтайда өткен балалық шақ, ауыл тіршілігін айта отырып, бүгінгі күні көзден таса бола бастаған ұлттық құндылықтар негізін тілге тиек етеді. Кітап көпшілік оқырман қауымға арналған.
