автордың кітабын онлайн тегін оқу Өнер-білім қайтсе табылар
Ер жігіт енер табар ерте қуса,
Ерініп, шаршамаса, белін буса.
Ыртың-жыртың, жоқ-барға көңіл бермей,
Періште боп анадан қайта туса.
"Жақын, туған, бауыр" — деп, айналмаса,
Қатын-сатын дегенде байланбаса.
Тынықпай, дамьш алмай, ертелі-кеш
Ізденсе, кідірмесе, жайланбаса.
Дүниенің қайғысына зарланбаса,
Көз қысып күлгеніне алданбаса,
Қақ жарар қара қылды тура бөліп,
Айтылған сөз жайынан жалғанбаса.
Өсектен ат-тонымен алыс қашса.
Естісе, ұялғаннан бетін басса,
Жамандық - аты ешкірге жақын жүрмей,
Аяғын күндік жерден байқап басса.
Өзінен басқа жанды кем көрмесе,
Құтырып, шағыстырып жел бермесе,
Табылмас ауызына су тамызушы,
Өзінің тар етігін кең көрмесе.
Көзі ашық адамдарға жақын жүрсе,
Олардың әрбір сөзін үлгі көрсе,
Естіген сез, көргенді бос тастамай,
Құлақ тігіп, көз салып, жиып-терсе.
Кеңіл көзі ашық жанды дос деп білсе,
Мылқау, меңіреу адамды қас деп білсе,
Бейнеттің мүнарланған шөл даласын
Жұмақта хорлар тіккен қос деп білсе.
Наданды қатқан жансыз тас деп білсе,
"Өнер-білім — қарны ашқа ас" — деп білсе,
"Дүниенің теңізінде адасқанға
Тура жол көрсетейін, бас" — деп білсе.
Осы оймен тура жүрсе, бүлтармаса,
Басқаға мойын бүрып, көз салмаса.
Өнер-білім жер астында болса-дағы
Іздесе оны талпынып, бос қалмаса.
