автордың кітабын онлайн тегін оқу Тау ішінде
Мен келем тау ішінде түнделетіп,
Аймақты күңірентіп, өлендетіп,
Астымда ақ боз атым сылаң қағып,
Жалтақтап құлақтарын елеңцетіп.
Ақ боз ат менің түлпарым,
Шалқыған көңіл сүңқарым.
Көкірек керіп жүттым мен
Ауаның жазғы жүпарын.
Ә-әй, сүмбіл шаш,
Тәтті сөзің,
Қара көзің,
Білгейсің келгенімді жалғыз өзің.
Ән салдым есіп майда жаяулатып,
Ырғалтып, шырқап, толғап, баяулатып.
Толқындай мың қүбылған әнімді естіп,
Тыңдарсың кірпік қақпай ояу жатып.
Ак боз атым қояндай,
Еркелеп басар аяндай.
Тербеді дауысым ауаны
Дыңылдап қалқып баяулай.
Ә-әй, сүмбіл шаш,
Тәтті сөзің,
Қара көзің,
Білгейсің келгенімді жалғыз өзің.
