автордың кітабын онлайн тегін оқу Түрік, қырғыз-қазақ һәм хандар шежіресі
ТҮРІК, ҚЫРҒЫЗ, ҚАЗАҚ ҺӘМ ХАНДАР ШЕЖІРЕСІ
Мына заман қай заман, қысқан заман,
Басымыздан бақ-дәулет ұшқан заман.
Шұбырғанда ізіңнен шаң борайды,
Қаңтардағы қap жауған қыстан жаман.
ШЕЖІРЕДЕН БҰРЫН
Бисмиллаһир-рахманир-рахим!
Атамыз Адам пайғамбардан бері қарай атадан-атаға үзілмей жазылын келген шежіре ешбір жұртта жоқ. Адам пайғамбардан Нұх пайғамбарға шейін айтылған аталар -Тәурат сөзі, қай кітапта болса да сол Тәурат кітабынан алып жазған. Онан соңғы шежірелер біреуден-біреу естіп жүрген ертегі сықылды сөздерден шыққан. Оның ішінде кейбіреу білімді атану үшін, кейбіреу жақсы атаның нәсілі болмаққа, кейбіреу жаңылыс ұққанын өтірік яки қате айтылғаны көп болған. Мысалы, біздің қазақтың Ғакашә сахабаның нәсіліміз дегені сықылды сөздер. Бергі заманда шыққан білімділер сол ертегі сықылды сөздердің қисынына қapaп, кісілерінің, жерлерінің атының мағынасына қapaп және онан бергіректегі халықтың жайын әзірлегенде ескі заманда патшалы жұрт болған халықтардың ескі жазулары - ақша теңгедегі жазу һәм моланың басына қойған тастағы жазулардан қарап біліп және сөйлеген сөз, әдет-ғүрып, таңба белгілерінің ретіне қаран, қай ел қай елмен тұқымдас, қай уақытта, қай жерде жүргенін, кім деген ел атанып, қай ханға қарағанын анықтап тапқан соң, бұрынғы ертегі сықылды сөздердің көбі қате екені мағұлым болған.
Қазақтың түпкі атасының жайын білмек болып, көп уақыттан бері сол туралы естіген, білгенімді жазып алын және әр түрлі жұрттың шежіре кітаптарын оқыдым. Оқыған кітаптарымның мұсылманшасы: «Тәбіри», «Тарих ғу-муми», «Тарих антшар аласлам», Нәжиб Ғасымбектің «Түрік тарихы», Әбілғазы Баһадүр ханның жазған «Шежіре түрік» және әр түрлі кітаптардан алынған сөздер, орысша кітаптан оқығаным - Радловтың ұйғыр туралы, Аристовтың түрік нәсілі туралы, дүниедегі әр түрлі жұрттың шежірелерінен орысшаға көшірген сөздері, оның ішінде түріктің ең ескі замандағы шежіре кітаптары «Құдатқу білік», «Кошочидам» деген кітаптардың сөздері және қытайдың Юән-шау-Ми-ши деген жазушысының сөзі және араб-парсы, рум-европа жазушыларының сөзі және қазақтың жаңылыс айтқан өтірік аталары - бәрі сол кітапта бар.
Ол кітаптардағы сөздерді түгел жаза алмасам да, керектісін теріп алып, соған тура келген қазақтың ескі сөздерін қосып, бір шежіре жазамын. Ескіден қалған тиянақсыз ертегі сықылды ауыз сөз болмаса, мұнан бұрын біздің қазақ тіліменен шежіре жазылған жоқ.
ШЕЖІРЕ БАСЫ
Атамыз Адам пайғамбарды Алла тағала топырақтан жаратып, жан беріп, оның оң қабырғасынан анамыз Хауаны жаратып, Хауа анамыз жыл сайын бір ұл, бір қызды егіз тауып, алдыңғы жылғы ұлға келер жылы туған қызды беріп, келер жылғы ұлға алдыңғы жылғы қызды беріп, өсіп-өніп, қырық мың кісі болғанда, Адам пайғамбар мың жасында өтіп, онан бір жыл coң Хауа анамыз өтіпті.
Адам пайғамбардың бір баласы Шис пайғамбар Тәуратта Шит деп жазылған, оның баласы — Ануш, оның баласы — Кинан, оның баласы — Миһаел, оның баласы — Бруд, оның баласы — Ыдырыс пайғамбар — шын аты Ах-нух еді, оның баласы — Матушлах, оның баласы — Ламәқ оның баласы — Нұх пайғамбар, бұл Нұх пайғамбардың үш баласы Сам, Хам, Яфас; біздің түрік халқы Яфас нәсілінен.
Нұх пайғамбардың уақытында Адам балалары бұзықтық қылып, діннен шыққан соң, Алла тағала қаһар қылып, топан суын жіберіп, жер жүзіндегі адам, жан-жануардың бәрі қырылып, Нұх пайғамбар үш баласыменен, оның қатындары Алла тағаланың өміріменен кемеге кіріп, аман қалыпты. Осы күнгі барша адам балалары сол Нұхтың үш баласы — Сам, Хам, Яфастың нәсілі.
«Тарих ғумуми» деген кітапта барша түрік, Иран, юнан, қытай һәм европадағылар — Яфас нәсілінен. Барша араб, асур, гілдан, фінике, картаже, ғибрани мысырлар — Сам нәсілінен. Барша хабаш, судан, зәңгибар, барша қара түсті жұрт — Хам нәсілінен дейді.
«Шежіре түрікті» жазған Әбілғазы Баһадүр хан сөзінше Яфастың сегіз баласы бар: Түріқ Хазар, Сақлап, Қытай, Камари, Тарих, Жапон, Манжур деген. Түріктің төрт баласы бар — Түтіқ
Хакәл, Бөрсәжар, Амлаі$. Барша хун, мажар, бұлғар, улах, ауар, мағол, татар, манжу, фин, жоңғар атанған халықтар түрік нәсілі дейді.
Түріктің баласы — Елже хан, оның баласы — Бакой хан, оның баласы — Киік хан, оның баласы — Аланшы хан.
Мұның уақытына шейін халық мұсылман еді, сол кезде бұзылып суретке табынды. Аланшының екі баласы — Татар, Мағол. Аланшы қол астындағы елін екі баласына бөліп берген соң, Татар қол астындағы ел Татар атанып, Мағол қол астындағы ел Мағол атанды дейді.
Түріктен осы жерге шейін жазылған аталар — Әбілғазы хан шежіресіндегі мұсылман жазушыларының сөзі.
Мұнан соң қытай шежірелеріндегі ертегі сықылданған сөздерді жазып және оларды қалайша шын сөзге қисындыруға мүмкін болатындығын жазамын.
Аристовтың кітабындағы қытай жазушыларының сөзі ең ескі заманда түрік жұртының аталары - Со деген халық болыпты (мұны Нәжиб Ғасымбек Сит деген деп жазады), сол халықта бір Ежен-Шиду деген хан болып, оның Аспан қызы қатынынан туған төрт баласы болыпты: бір баласы аққу болып кетіпті. Бір баласы қытайша Қи-ғу деген екен. Ол Aпy менен Қан деген дарияда падишалық қылыпты. Бір баласы Чу-си деген дарияда патша болыпты. Үлкен баласы Надүлұша деген. Ол Баси-чу-Си-ши деген тауда болып, хан ордасы сонда болыпты. Таудың биіктігінен ол ел суықтан өлетұғын болған соц, Надүлұша от жағуды үйретіп, елін суықтан саңтаған соц, өзге туысқандарына қараған елдер де соған қарап, атын Тукю қойыпты. Тукю деген — дулыға деген сөз. Қытайда «Р» деген әріп жоқ болған, Тукюның ортасына «Р» қосылып, «Тур-ку» болады.
Осы айтылған қытай сөзіне қарасаңыз, Ежен-Шиду дегені — Шиду хан дегені; оның бір баласы аққу болып кетті дегені Алтайдағы Қу өзеніндегілерге хан болды дегеннен шатақ болған. Олардың қалған нәсілі — осы күнде Кумандинский деп орысша аталып отырған елдер, осы күнде де Со деп аталатұғындары бар. Қу өзеніндегілер өздерін «кукіші», деп атайды. Жоғарғы Ежен-Шиду дегені Шис пайғамбар болса керек. Ежен-Шидудың бір баласы Киру дегені қырғыз дегені болады. Себебі қытайда «Р» жоқ және сөзді қысқартын, аяғындағы әріпті тастап айтатұғын әдеті бар. Киғуның ортасына «Р» қосып, аяғына «зи» қоссаңыз, қырғыз болады. Оның мағынасы елсізде өз еркімен жүрген тағы деген сөз деп Нәжиб Ғасымбек қытай сөздерін жазған шежірелерден алып жазады.
Ежен-Шидудың бір баласы Чу-си деген дарияда болды дегені Чу дариясындағыларға хан болды деген сөз және ең үлкен баласы
— Надулұша Баси-чу — Си-ши деген тауда болды дегені — Шу дариясының басындағы жартасты тауда болды дегені. Себебі Чу—өзен аты, си — дегені халықтар дегені, ши — дегені биік жартас және Әбілғазы хан һәм басқа мұсылман шежірелерінде ең бұрын от жаққан, пешті, жылы үйді шығарған түрік дейді. Бұл қытай сөзінде от жағып үйреткен Надулұша Тукю, яғни Турку атанды дейді.
Жоғарғы Со деген сөзді сол дегендегі сөздің соңғы ләм әрпін қалдырып айтқандағы дауыспен оқу керек орысша Со дегендей қылып. Мұны Нәжиб Ғасымбек Сим деп жазғанына қарағанда, мен ойлаймын, осы Шис Тәуратта Шит деп жазылған және шежіре жазғандар кейде Се деп жазады, бұларға қарағанда Шис нәсілі деген соз болады. Себебі Адам пайғамбардың Шистен басқа баласынан нәсіл жоқ.
Ақырында жоғарғы қытай сөзінен табылғаны, біздің халық Со, яки Сит, яғни Шис нәсілінен. Қытайша тукю, бізше түрік атанған халықтан шыққанымыз анық болды. Ол со, яки сит халқы көбейіп, қозғалғандықтан төрт бөлек болып, бірі Алтайдың темірқазық жақ тұмсығындағы Қу өзенінде болып, Қу елі, орысша Куманды атанған. Екінші бөлегі Aпy мен Қан, яғни Абақан менен Енисей өзені арасында болып, қырғыз атанған. Үшінші бөлегі Алтайдағы Шу өзенінде болып, қытайша чу-кси, орысша чуйский атанды. Төртінші бөлегі қытайша тукю, бізше түрік атанып, Шу өзенінің жоғарғы басындағы жартасты тауда болды. Бәрі тукюға қарағанда, тукю біздің тілше түрік патшалығы атанған. Кейінгі кездерде әлденеше хандыққа бөлініп, әр түрлі атпен аталғандары көп болса да, соның бір табынан түрік аты жоғалмаған.
Және қытай шежіресіндегі ертегі сықылды қисынсыз сөз түрік жұртының арғы аталары бір ұрғашы қасқыр менен хун атанған жұрттың қол-аяғын кесіп, далаға апарып тастаған он жасар баладан туған дейді. Себебі қасқыр баланы тауып алып, киын таудың ішіндегі бір жартастың арасына апарып, асырап өсіріп, сол баладан буаз болып, қасқыр он бала тауыпты. Түріктер сол он баланың нәсілі дейді.
Және бір сөзі аспаннан келген бір еркек қасқыр менен хун жұртының патшасының қызынан туған дейді. Бұл сөздерді еш нәрсеге қисындыруға болмаса да, мен өз ойымша төмендегі сөзге қисындырамын.
Әбілғазы Баһадүр ханның шежіресінің екі жерінде сиымсызырақ сөз бар еді. Бірі Татар ханы — Сүйініш хан Мағол ханы Елханды жеңіп, елін қырғанда, Елханның інісі Негіз бенен баласы Қиян деген тұтқыннан қашып барып, қалған кісілерімен малдарын жиып алып, Ергенекон деген айналасы жартастарға кіріп, сонда торт жүз елу жылдай өсіп-өніп, ақырында сыймай шыққан болғанда, келгендегі Қиын жолдары көп заман өткендіктен бұзылып қалып, жартасты отпен өртеп құлатып шықты дейді.
Және бір сөзі Дуауынбаян деген хан өлген соң, орнына Аланғу деген қатыны хан болып тұрып, байға тимей, аспаннан келген бір нұрдан буаз болып, үш бала тауып, соның біреуі Боданжар хан болды дейді.
Жоғарғы ертегі сықылды сөз осыған қисынады. Себебі Ергенекон дегеннің мағынасы — тік жартас деген сөз, қасқыр баланы жартастарға апарып, сонан бала туып-өсті дегені осыған келеді. Және сонан шыққандағы ханның аты Бөртечине еді. Мағынасы бурыл қасқыр деген, соны қытайлар қасқырдан туды деп шатасқан. Және Аланғу кімнен тапса да, үш бала тауып, оны нұрдан таптым деп, халықты алдаған ғой, соны қытайлар біресе қасқыр менен баладан туды деп, біресе аспаннан келген қасқыр менен хан қызынан туды деп шатастырып жүрсе керек.
Және Радловтың ұйғыр туралы жазған кітабында қытай сөзі ескі заманда Гаошан, яғни ұйғыр жұртының жерінде Гулин тауынан екі өзен ағады: Тохула, Селенге деген. Сол өзен арасындағы бір таудағы ағаштан жарық нұр шыққан соң, ондағы жұрт барып қараса, бір ағаштан шыққан нұр екен. Ол ағаш буаз қатын сықылды томпақ екен. Сол ағаштан бес бала туып, халық оны Құдайдың жібергені деп асырап, өсіріп, аттарын Сүцңартегин, Котуртегин, Тугелтегпн, Ортегин, Бүңатегин қойып, кенжесі Бүкатегинді хан қойыпты.
Тегин деп ақсүйек князьді айтады, соның, нәсілінен отыз ханнан кейін Иойлунтегин дегені хан болған кезде Тан ханның еліменен неше жыл жауласып, аяғында құда болып, Тан ханның Цзинлин деген қызын Иойлунтегиннің баласы Иелітегннге айттырады. Бұл Тан хан дегені — Та-таң яғни татар ханы болса керек. Ол Пели-пулита деген тауда еді. Мағынасы ұрғашы жайлаған тау деген болады. Және Челі-таха деген тау бар еді. Мағынасы орысша «не-бесная гора», бізше тағдырдың үкімі дегенге келеді. Және Хули-таха деген тау бар еді. Мағынасы — құтты тау деген. Тан ханның жіберген бір кісісі сол Құтты тауды көріп, «осының басындағы биік тасты құлатса, бұл елдің бақыты қайтады» деп, Иойлунтегиннен қалыңмал үшін сол тасты сұрап алып кете алмаған соң, отпен қиратып, өртеп, носилкамен тасып алды. Сонан соң таудағы құрт, құс шулап, жеті күнге жетпей Иойлунтегин өліп, онан соң хан болғаны өле берген соң, халқы көшіп, Бешбалыққа, яғни Бесшаһарға келді. Темірқазығы — А-чу, яғни Ақсу, күнбатысы — У-дон-Қаши, яғни Хотан мен Қашқар, күншығысы — Си-фан, яғни Тибетке шейін биледі. Бұл көшкені Бар-чижу — Ертетегиннің хан болғанынан 970 жыл бұрын еді дейді.
Енді осы айтылған Радлов кітабындағы қытай сөзінің ағаштан бала туды дегені еш сөзге қисынбайды. Олай болса да бүл соз де Боданжар ханның баласы — Бұқа хан болса керек. Себебі Әбілғазы Баһадүр хан сөзінше Боданжардың екі баласы — Бұқа, Toқa: бұл Бүкатегин менен Токелтегин болар, ағаштан нұр шығып, содан туды дегені — Аланғудың нұрдан таптым дегенін шатақ айтқанға ұқсайды.
Және сол сөздің аяғында айтқан Бар-чижу — ерте дегені анық-ақ. Рашид ад-дин менен Әбілғазы ханның айтатұғын Шыңғыс хан кезіндегі ұйғыр жұртының Бауырчык Едиғұт деген ханы, оны Рашид ад-Дин Баржүк деп жазады. Ейдиғу деген лақап аты деп қытай айтады. Едиғұт деп хандарын айтушы еді деп Әбілғазы айтады. Және Шыңғыс тұсында ұйғырлар қидан, яғни қара қытайға қарағаны, Тайтқызу, яғни Шыңғыс ханды естіп, қара қытайдың жандаралын өлтіріп, Шыңғыс ханға қарағаны да және Иәли Андон деген Шыңғыс ханның қызын алғаны да бәрі тура келеді. Ол Бауырчык Едиғұттың Шыңғыс ханға қарағаны 1209 жылы еді.
Аристов сөзінше ескі замандағы қазақтың басты руларының таңбасы мынау:
Ұлы жүз:
Дулат таңбасы —
Албан таңбасы —
Суандікі —
Ботбайдікі — яки мынадай —
Сиқымдікі -
Орта жүзде:
Қоңырат таңбасы —
Арғын таңбасы —
Қаңлы таңбасы —
Қыпшақтікі —
Керейдікі —яки мынадай — Наймандікі — және Шыңғыс хан үлкен хақан болғанда, таң басы бектерге ұран, құс, ағаш, таңба беріпті. Сонда Ұлы жүз Үйсін Майкы биге «Ұраның — Салауат, құсың — бүркіт, ағашың — қарағаш, таңбаң — сүргі таңба болсын» депті. Ол мынадай: Орта жүзден Қоңырат Сеңгіле биге «Ұраның — Қоңырат, құсың —сұңқар, ағашың — алма, таңбаң — ай таңбасы болсын» депті. Ол мынадай:
Мұнан кейін Нәжиб Ғасымбектің қытай шежіресінен алын жазған сөзінен біраз ғана жазамын.
Хижрадан, яғни біздің пайғамбарымыздың уақытынан 2819 жыл бұрын, яғни орысша есеппенен Ғайса пайғамбар уақытынан 2197 жыл бұрын Қытайда һич деген нәсіл хан болып билемей тұрып, Қытайдың темірқазық жағында Тукю, яғни түрік халқы бар екені мағұлым болған.
Мұнан 1081 жыл соң, яғни Ғайса пайғамбардан бұрынғы 1116 жылда Қытайда Уаң хан заманында хун атанған түріктер Қытайға қарадық деп, Уаңның нәсілінен Юдаң хан болған кезде хұндар бұзылып, Қытайдың Шанси деген уәлаятын шапқан. Бұл хун, яки ғұн атанған түріктер Ғайса пайғамбардан бұрынғы 910 жылы қытайларға соқтыға бастап, сонан 213 жыл соң, яғни Ғайса пайғамбардан 697 жыл бұрын қытайдың Ганьсу деген жеріне кірген, ол жер қытайлардың Мағолстанменен бөлігі еді. Онан 45 жыл соң Пәчили деген уәлаятын шауып, түріктер бірінің артынан бірі қытайды шаба берген соң, сонан құтылуға Ғайса пайғамбардан 214 жыл бұрын Чин қорғаны деген үлкен қорғанды сала бастап, он жылда бітірді, Халықтың жаңылыс Ескендір қорғаны деп жүргені сол қорған болса керек. Оны салып бітірген қытайдың Чин-Шы-хуанди деген ханы еді. Ол өлген соң Ғайса пайғамбардан бұрынғы 210 жылдан соң қытайлар оз ішінен бүлініп, маңайындағы ел менен бөліктері сақтаусыз к алып, хун түріктер Татардың Қарамөрен деген дариясын айналып барып, қытайды талай бастайды. Және бір ескі хабар: Ғайса пайғамбардан 1300 жыл бұрын Чэ-эу нәсілі қытайда хан кезінде Азияның темірқазық жақ шетінде хун, яки ғұн деген халық болған. Бұл хун деген Орхон өзеніне қойылған ат еді. Сол себептен ол халық хун атанды. О дан кейін бір уақыттарда түріктер хунну деп те аталды. Оның себебі, қытайлар Хуан Хэ дариясының темірқазық жағындағы халықты хунну дегенінен шыққан. Шежірелердегі хунну атанғаны он ну, яғни он ұйғыр дегеннен деп Радлов айтады. Және бір кезде бұлардың күншығыс татар атанған хунның топа, сиән-һи, жу-жен деген таптары Азияның күнбатыс шетіне шейін барды. Бұл хунну қытаймен көп соғысып, кейде жеңіп, алым да алды. Олар хандарын шань буй юо деп, онан кейін танжу деп атады. Бергі замандағы тайчи деп қалмақтың айтқаны да сол сөзден. Жоғарғы хуннулар ханның қатынын иэн-ши деуші еді. Біздің иазаңтың өзінен үлкен кісінің қатынын жеңеше дегені сол сөз болар. Олардың, танжуы, яғни ханы Ен-Шан тауында тұрушы еді. Ол тау Алтайдың Ертіс өзеніне қарай созылған бір тарауы еді. Танжу қытай ханыменен тату тұрып, хат жазғанда аспан, күн, ай тарапынан хундардың тағына қойылған ұлуғ тан-жудан деп жазушы еді. Бүл тату тұрғанның соңғы мезгілдері Ғайса пайғамбардан бұрынғы 210 жылға шейін білінеді. Жоғарғы айтылған қытайлар бүлініп, оларды хуннулар шауып талаған, Ғайса пайғамбардан бұрынғы 210 жылда хундардың ханы Томын танжу еді. Бұл Томын хан Ғайса пайғамбардан бұрынғы 206 жылы өліп, оның орнына Мөде, яки Мөте деген баласы хан болып, Ғайса пайғамбардан бұрынғы 174 жылға шейін 5ек көп жерлерді алды. Қытайдың ол кездегі ханы Фау-Хуанг-ти деген еді. Жоғарғы Мөте Суһнгың-фу шаһарын алып, Шансиға кіріп, Шиан-фу шаһарына келген соң Фау-ти хан қарсы шыға алмай, қыз беріп бітім қылды. Мұнан соң қытай мен түрік қыз алысты.
Ғайса пайғамбардан 175 жыл бұрын хуннулар юши, яғни шүршіт халқын Ганьсу мен Шансиден шығарып, күнбатысқа қарай Балхаш көлі менен Іле өзеніне қуды. Юшилер барып Яксарт, яғни Сырдариядан өтіп, Соғды Бақтрияны алып, ондағы се, яки якут — сақа атанған бұрынғы барған түрікті қуды. Сол кезде хуннудың танжуы, яғни ханы барып, күншығыс татарды шауып, быт-шыт қылды. Сол татардың бір бөлегі қытайдың Пекин деген қаласының темірқазық жағындағы Ухуан тауына барып, Ухуан татары атанды. Және бір бөлегі Сиәнби тауына барып, сол атпен сиэнби атанды. Жоғарғы айтылған Юләр Мауранаһарге кірген заманда, хуннудың күнбатыс жақтағы көршісі усин, яғни үйсіндер еді. Іле өзені жағасында еді. Олар хандарын кунми (гуньми) деуші еді. Осы үйсінді хуннулардың ынтымағынан айырмақшы болып, қытайдың ең алғаш дүние көруге шыққан Чан-Киен дегенді жіберген еді. Қытай сол кезде Канкию, яғни Мауранаһар Пуси, яғни парсыменен сауда араластырып еді. Соған ортадағы хуннулар бөгет болып, жоғарғы Чан-Киенді он жыл токтатып қойған. Онысы Ғайса пайғамбардан бұрынғы 139 жылдан 129 жылға шейін еді, Чан-Киенді Аристов Чжан Цян деп жазады.
Ғайса пайғамбардан 70 жыл бұрын жоғарғы Ухуан атанған татарлар хуннулармен жанжалдасып, барша танжуларының, яғни хандарының моласын һәм Мөтенің де моласын құлатып, хуннуларды күнбатыска қарай қуып, көп жерін алды. Ғайса пайғамбардан бұрынғы 54 жылы сиөнби атанған татарлар қытайға болысып, Ухуанды жеңсе де, олар тез заманда және қайта жиналып, бір хандық болып, хандығы Ғайса пайғамбардан соңғы 207 жылға шейін келді.
Ғайса пайғамбардан соңғы 43 жылы хун хандығы екі бөлінді. Бірі оң түс, бірі сол түс атанып, 65 жылы екеуі бірігіп, Қытайдың Шанси менен Хами деген жеріне барса да, жеңіліп кайтты. Оларды қытайдың Цчу-һян деген жандаралы қуып, Килушан тауында және жеңіп, әскерін қырып, сонда сол түс хунның ханыменен бірталайы күнбатысқа қашты. Сол себепті 93 жылы сол түс хун хандығы жоғалды. Онан қалған екі жүз мың үйлі халқы қытайға қаран қалды. Қарамағандары Алтайдан өте ашып, Мұздаладан өтіп, Оралдағы башқұрт жеріне барды. Сол барғандар Европаның шетінде жаңадан бір хандық болып, күнбатыс хун атанып, көп жыл қытайлар Танжу хандығы деді. Европаның бірталай халқың ұйғыр, оноғұр, сиөнби һәм басқа түрік руларынан да қосылын, . жұртын алған осылар еді. Ғайса пайғамбардан соңғы 78 ж. Кавказ тауынан асып, Азербайжан, Ирак аса кіргені, 167-де Марк Орел заманында румдарменен соғысқаны латынша кітаптарда бар.
Жоғарыда айтылған солтүстік хұндар барып күнбатыс хун атанып тұрғанда, мұнда қалған оң түс хундар Шансиде еді. Олардың ханы Һюлан-шиға 93 жылы кеткен сол түс хуннан қалған көп ел қарап қалып еді. Бара-бара бұл оң түс хундар да нашарланып, қытайдың бір қаруы есепті болып қалды.
206 жылы қытайлар өз ішінен бүлініп, үшке бөлінеді. Бірі — Уай деген темірқазық шетіндегілер, бірі — Уу деген оң тұста және бірі — Хан деген күнбатыста болды. 207 жылы Уай атанғаны маңайындағыларды бір-бірлеп қарата бастады, ақырында оң түс хунды да алып, 221-де біржолата хандығын жоғалтты. Олардың көбі Ганьсу менен Шансидегі халқына қосылды. Бір бөлегі 93 жылы кеткен күнбатысқа барған хундарға қосылды. Жоғарыда айтылған сиәнби атанған халықтар 225 жылы Орта Азияға кіріп, бір үлкен хандық жасап, 320 жылы Іле дариясынан Амудариясына шейін алды. Сол сиәнби деген атпен бүл жаң Сибирия аталды.
Олардың хандығын Нәжпб Ғасымбек Топа-усуну деп, Аристов Юон-би депті. 310 жылы осы сиәнби нәсілінен ескі шежірелерде жужен, яки жөже деп әр түрлі атпен жазылатұғын түрік нәсілді бір халық күнбатыстағы халыққа бек қатты шабынды қылған. 390 жылы жужендер жоғарғы сиәнбилерді орнынан қуып, хандығын жоғалтты. Бұл жужендер Қаракүрымнан қозғалып, аз-аздан бүгін Татарстан жеріне жайылды. Оның хандары да танжу аталушы еді. Тулун деген бір ханы 402 жылы хақан атанып, сонан соңғы хандарын хақан десті. Олар бір заманда күнбатыс хундар тұрған башқұрт жерлерін де алды. Аттила деген 430 жылы Европаны быт-шыт қылғаны осы жужендердің ісі екені анық. Бұларды яжуң мәһжуж дегендер де болды. Бұлардың хандығын түріктің Она-һуйи Наған, Лу, Чин деген батырларының әскері 552-ден 554 жылдарда қырып жоғалтты. Сол себептен түріктер бүкіл Азиянын, темірқазық жағын һәм Қашқар, Самарқандтың барша жерін иеленді. Онан соң түріктер парсының патшасы Хисрау Наушируанмен бірігіп, хундардың Мауранаһар маңындағы эфталит, яғни тилу халқының хандығын да жоғалтты. 557-де эфталиттің бастықтары Уархути дегендер біраз қалғаныменен бірге қашты. Шежірелердегі Уархути, яки Уархонит деп жазылған Ұйғыр Сабыр һәм Түрік дегендер осылар еді. Бірақ бұлар Европаға кірген кезде Ауар атанған ел еді. (Бұл Ауарды Аристов онан бұрын келген Түргеш екі хан халық еді, түрік
нәсілінен дейді.)
Бұрынғы халықтардың қылған істерінің бәрі де аңғары бір жолмен деуге болады. Ескі түріктердің маңайындағы елдерді қырып-жойып, яки бірін-бірі шауып талағандағы мақсаты - өзі зор болмақ «біреудің есімі біреудің жоғалуымен табылады» деген анық мқкал сияқты түріктер жолыққанды қырып ұлғайған.
Түрік халқы — парсы жұртыңдай руымен жүрген халық емес, бірталайы әр рудан қосылып, ел болып, маңындағы елдерді шауып алып, егерде жеңілсе, өзге жаққа ауып кетіп және бір елді шауып, әр рудан қосылып, әр түрлі атпен атанған. Нәсілі бір болмаса да, екі түрік ағайын болғысы келсе, бір жерін қанатып, қандарын сүтке, яки қымызға қосын бөліп ішеді де, қаны қосылған қарындас болдық деседі. Оны «анда» дейді. Біздің қазақтың құда-анда дегендегі андасы осы сөз.
Түріктер ескі заманда будда, христиан, зөрдөші діні сықылды әр түрлі дінге кірсе де, онан да бұрын өздерінің бір түрлі діні болған, оның анығы білінбесе де, ескі замандағы қытайлар сықылданып жер, ағаш, темір, от, су — сол бес нәрсені құрметтеген екен, жыл есептегенде де сол бес нәрсені 12 хайуан атына қосып, 60 жылдық есептері болған. Мысалы, тышқан темір жылы, барыс темір жылы дегендей және бұл түрік жұрты бұрынғы ескі ғұрыптарын осы уақытқа шейін қоймаған. Бір түрік қатын алғанда қазақша «қалыңмал», түрікше «ағырлық» деп мал беретұғыны және қазақша «көрімдік», түрікше «иу кермек» деп және қазақша қол ұстамақ түрікше «ел өрмек» деп сый беретұғыны сол ескі заманнан қалған және осы күнгі қазақтың әрбір аумағы он-жүз жылдан бұрынғы ұнғұн арналарын, яғни таңба белгілерін қалдырған жоқ. Қыпшақтар 600 жылдардағы қытай жазушылары жазатұғын найза сықылды тан,баларын қол қойған орнына салады. Және 600 жылдан бері мұсылман жұртына кірген керейіт, яғни керейлер тіпті ескі замандағы креш таңбасын салады. Қазақтың көбі ескі таңбасын салады. Кейбіреулер оған бір сызық қосады. Ол бір рудан шыққан және бір таптың белгісі, яки бір ханнан бір ханға қарағандағы белгісі болады. Түріктер жүрген жерін талқан қылған мықты жұрт болған. Оны парсы, араб, қытай бәрі де растайды. Парсының Фәйруз деген патшасы әскерін түрікпен соғысуға жұмсағанда «бізді тура өлімге жұмсадың» дегенге болмай барып соғысқанда, сол жолы Фәйруздың өзі өлтірілді. Және Ая-София мешітіндегі араб-Жахыз кітабында арабтар «дұшпанын талқандағанда кітаптың қағазын аударғаннан оңай быт-шыт қылады» деген. Және қытайдың Шақтар заманындағы жырларының мағынасы мынау:
«Дыңғырлап арба кетеді,
Аттары пыс-пыс етеді.
Әскердің ата-анасы
Және жастау баласы,
Етегіне жабысып,
«Жібермейміз» деседі.
Сары бұлт айналған,
Сәнді шаһар қасында,
Қарға шулап қонады,
Соғысының қатыны
Кимешегі басында,
Өрмек тоқып болады.
Қарғаның үнін есітіп,
Қызарып күн батқанда,
Өрмекті қатын жияды,
«Байым өлді-ау» деп ойлап,
Төсекке барып жатқанда
Жаңбырдай жас құяды».
Енді Аристов кітабындағы сөзден біраз сөз жазамын. Аристов кітабындағы қытай сөзінше түрік жұрты бір мезгіл хун, яки хуну аталды. Бір кезде қытайша гаугу, бізше қатанды. Хунна аталған кезде олар үш түрлі ел болып, Шан Жун, Хан юн һәм Хун юй деп аталды.
Ғайса пайғамбардан 214 жыл бұрын қытайлар хуннаның Ардос деген қаласын алып еді. Он жылдан соң Шан юйден шыққан Мөде, яки Мөте хан Ардосты қайта алып, қытайдың өзінен де алым алды. Бұл Мөтенің алғашқы уақыттарда билеген жерінің күнбатысы Нанынан менен Танынан, яғни үлкен Алатау арасына шейін, оңтүстігі мағол Алтайына шейін, темірқазық жағы Үйсін һәм Юеч-жиге шейін еді. Бұл Юечжи күнбатысқа барған тибет нәсілінен еді. Усун, яғни әр түрлі түріктен жиылып, ел болған халық еді. Оның оң тұсында Енисей өзенінде қырғыз бар еді. Үйсін сол тұқымнан еді (Біздің қазақтың нәсілі қырғыздан).
Ғайса пайғамбардан 209 жыл бұрын Мөте хан юечжилерді, яғни шүршіттерді күнбатысқа қарай қуды. Олар үлкен Алатаудың күнбатысындағы се, яки сақ деген түрікті қуып, орнын алды. Олар Пайыр арқылы үндіге барды. Және үйсіндер юечжилерді қуған соң, олар Фарған һәм Соғджағынан етіп, Бактрия барды.
Және қытай жазушыларының сөзінше 6 жүзден 8 жүз жылдарға шейін күншығыс тонгузбен аралас қидан, яғни қара қытайлар бар еді. Тонғуз, яғни тоғыз оғыз тибетпенен нәсілдес және Шарамұран өзенінің маңында көшіп жүрген татаби, қытайша комоки, яки хи деп аталатұғын қара қытайдың бір халқы бар еді. Мағолдар оларды аймақ ониют деп атаушы еді. Олардың сол түс - күнбатысына таман татан, яғни татарлар бар еді. Бүл татар менен жоғарғы татабидің күнбатысында ескі түрік атыменен жүрген ел бар еді. Олардың шанюйі, яғни ханы Орхун бойында еді. Бұлардын, сол жағында Селингеде тоғыз оғыз бар еді. Тоғыз оғыз — тоғыз ұйғыр екеуі бір сөз болады. Бұл ұйғырдың теле деген табы Селенгеде болып, солтүстегі гауугулар Қосакөлде еді. Көлдің күнбатысында Меркит, Уранхай, Топа деген түрік елдері бар еді. Уранхайдың күнбатысы Гуман деген таудың сол тұсында қырғыз бар еді. Ол тау қытайша Тән-мен, бүл күнде Тано-ула, яғни бек үлкен емес деген болады. Осы айтылған халықтың сонда жүргені Ғайса пайғамбардан бұрынғы 201 жылдан 49 жылға шейін қырғыздың оң түс-күнбатысында Қара Ертіске қарлық деген түріктер көшіп жүрді. Оларды қытай гелулу дейді. Алтайдан шыққан түріктің ең соңғы шыққаны осы Шарыштың басқа бір тарауы Қарлық өзенінен.
Түрік патшалығы әбден ұлғайып, екі бөлініп, күншығыс, күнбатыс атанғанда, жоғарғы Чуйскийден жоғарғы ел күншығыс түрік болып, онан төменгі теле нәсілі һәм мағолдың күнбатысындағы телелер күнбатыс түрік болып, олар бес аумақ дулу болып атанды. Бұлғарпя князьдығы осы дулу нәсілінен болады. Бүл теле, яки дулу деп атанған халықты Нәжиб Ғасымбек тилу деп жазады.
750 жыл маңында түрік оз ішінен бұзылғанда, ұйғыр менен қалған теле һәм қарлұқ бірігіп, түрікті жеңіп, ұйғыр биледі. Қытайлар ұйғыр хандығын Ху-ху деді. Жүз жылға жақындағанда олар да ішінен бөлініп, ұйғырды Енисейдегі қырғыздар шауып, ұйғырдың көбірегі қашып, Нянь-Шань тауының етегі һәм Тянь-Шань, яғни арғы үлкен Алатаудың күншығыс тұмсығына барды. Өзі аз ғана қырғыздар біржола билеп тұра алмай, Енисейге кайтты. Сол кезде қидан, яғни қытай күшейіп, татабиді алып, һәм сол тұстағы қытайдан да ел алып, Лауу деген хандың жасады. Лаууның мағынасы қытайша - «алыс», «шет» деген. Олардың хандығы 907- ден 1125 жылға шейін болды. Бұлардың алғашқы ханы Амбаған 924 жылы ұйғырдың хан қаласы Орхунға келді. Мұнымен жерлес түрік нәсілінен татарлар еді. Оның темірқазығында ұйғыр Баяген һәм мұңғұлдар бар еді. Мұның ішінде қара қытайға ең жақын көрші де һәм мықтысы да татар еді. Қара қытайлар қанша әскер жіберсе де, татарды қаратып ала алмады.
Қытай жазушысы Си-иуөн-Шауу-ми-ши сөзінше, Шыңғыс ханнан 850 жылдай бұрын қара қытай менен шүршіт билеп тұрғандағы Мағолстан жұртының тұрған тұрағы мынау: оң тұс-күншығысында татаби, яғни ониют, оның сол жағында татар, оның сол түс һәм күнбатысында кереит, жалайыр, мұңғұл, онан Керуленде, оның күнбатысында Тамир һәм Орхоннан Ертіске шейін найман, оң сол тұсында меркит жөне Қосакөл менен Таннуолада ойрат һәм тува және әр түрлі тоғайлы атанғандар. Енисейде қырғыз бенен оған қараған ұсақ ел бар. Оның күнбатысында телес бар еді.
Ұйғырдан хандық кеткен соң, Шыңғыс ханға шейін мағолдың сол түс-күнбатыс шетінен басқасын түрік атанған халықтар билеп тұрды. Мағолдар әрбір кішкене таптар калса да, бірігіп хандық жасай алмайды. Ол таптарда ертерек баяген, яғни арғын табы күшті еді. Шыңғыс хан тұсында наймандар күшті болып, екі хандық болып тұр еді. Және бір күштірек табы кереит, яғни керей еді һәм көп татар бар еді. Бірақ олар бөлек-бөлек болып тұрғаннан кейін күшсізірек еді. Шыңғыс хан басында керейге сүйеніп, мағолды аз-аздан жинап, татар һәм меркитпен жауласып, ең бұрын найманға соқтығып, оны алып, ақырында тамам мағолды түгелдеп алғанда, отырықты болып қалған түріктер көшіп қашуға жерін қимай, бірталай ел мағолға қаран қалды. 1300 жылдар шамасында ол қалғандар — ониют, жалайыр, найман, керей дегендер әр түрлі рудан еді. Сол себептен олар қалмақ деп аталды.
Қалмақ деген — қалғандар деген сөз. Олардың ойрат қалмақ атанған себебі, мағолдар күнбатысқа қойған әскерлерін ойрат деп атаушы еді. Соған араласқаннан ойрат атанды. Қалмақтың түбі ойрат деген сөз сонан шыққан. (Әбілғазы Баһадүр хан сөзінше Шыңғыс хан кезінде ойрат ханы Қутуқә, яғни Құтлық деген еді. Басында жау болып, аяғында жарасып, қыз алып, қыз беріп қарады).
1368 жылы ойрат ханы Мыңтемір деген «өз алдыма ханмын» деп мағұлым қылды. Сол өлген соң их елі бұзылып, бытырап кетті. Онан кейін 1455-те Есен Аши деген «ойрат ханы - мен» деп еді, оны ойраттың бір бастығы өлтірген соң, ойрат бассыз қалып, Шыңғыстың күншығыстағы нәсілдері талай бастаған соң, сондағы қалмақ атанған ел мұндағы туысқаны түрік татар ішіне қарай көшті, олар екі бөлініп, бір табы қыпшақтар тұрған күнбатысқа, көбірегі оң тұстағы дулат жеріне барды. Ондағы тұрғын ойраттарды біздің мұндағы ел қалмақ қойды. Ол екінші жүз жыл ішінде, яғни 1200 жылға жақындаған кезде қара қытайдың қаққан бір князі Пелюй-Даши қара қытай мен түріктің қашқандарын жиып алып, күншығыс Алатаудағы отырықты ұйғырды алып және бір қара қытай хандық жасап, Мауренаһар төңірегін де алды. Жерінің ортасы Шу өзеніндегі Баласағұн шаһары еді. Ақрында олардың ең соңғы ханы Керханды 1212 жылы Шыңғыс хан жеңіп, ұстап алған соң, хандығы жоғалды. 1219 жылы Шыңғыс хан Ертістен аттанып, Мауренаһар түгел һәм парсының бір бөлегін алып, үлкен Алатаудың екі жағын, Мауренаһарды Шағатай деген баласына берді. Дешті қыпшақ жақты Жошы деген үлкен баласы иемденді. Екеуі де әкесінен торт мыңнан кісі алса да, бұларға еріп мағол болып кеткен түрік татар көп болғандықтан, әскерінің көп қуаты татар-түрік еді. Ақырында, 1370 жылы Шағатай тұқымы Мауренаһардан айрылды. Өзіменен нәсілдес һәм аралас түріктен Темірлан, яғни Әмір Темір деген шығып, Шағатай нәсілінің билеген елін тартып алды.
Шағатай ұлысы болып жүрген алғашқы елі мыналар: арғинут, яғни арғын, керейіт, яғни керей, доғлат, яғни Ұлы жүздегі дулат, көрлеут, яғни қарлұқ,қаңлы, қырғыз. Бұлардан керейлер Қара Ертіс пенен барлық һәм Ерен-қабырға арасында арғын, найманменен Еміл өзенінен Қараталға шейін һәм Нұра өзеніне шейін көшіп жүрді. Дулат Қаратал өзені менен Шу арасында болды. Қаңлы менен қарлұқ аралас Талас өзенінен Сырдарияға шейін жүрді. Қырғыз осы күнгі орнында жүрді.
Жошы ұлысының күншығысындағы елі Дәшті қыпшақтағы көп қыпшақ һәм бұл жақта алшын еді. Азырақ арғын, найман бар еді. Күнбатыстағы елі половкылардың қалғаны еді. Және әр түрлі түріктен һәм қыпшақтан қосылған ноғай атанған елдер бар еді. Бұлар ол кезде ноғай атанған жоқ, онан бірталай кейін Береке ханның немере інісі Ноғай ханның атыменен аталған. Ол Ноғай хан бір кезде Дәшті қыпшақтағы әрбір хандарды өзі қойып, өзі түсіріп жүрген бір мықты хан болған.
Жошы ұлысы ақырында әрбір кішкене хандыққа бөлініп бытырады. Оның себебі - шын аты Темір хан, лақап аты ұлұғ Мұхамед хан деген бір атақты хан 1446 жылы өлген соң, ноғай хандары хандыққа таласып, бөлінген. (Ұлұғ Мұхамед ханды біздің қазақ тілі келмей Ормамбет хан дейді).
Сол кезде Әбілқайыр деген хан Қазан ханына да, Қырымдағы ханға да қарамай, өз алдына Жошы ұлысының күншығыс жағын 1552 жылдан 1555 жылға шейін билеп тұрды. Сол кезде әр рудан қосылған қырғыз-қазақ деген ел бар еді. Мағынасы - «тағы, өз еркіменен жүрген» деген сөз және сол 1552-ден кейін Әбілқайыр ханның көшпелі бірталай елін ойраттың, яғни бізше қалмақтың Өзтемір тайшы дегені быт-шыт қылып шауып кетті. Бүл Өзтемір жоғарғы айтылған ойраттың Есен Аши деген ханының баласы, онан кейін 1455 жылы Әбілқайырдың бүл бақытсыздығының үстіне қол астынан қырғыз, қазақ һәм басқа бірталай елін алып, Әбілқайырға өкпелеп Әз Жәнібек хан мен Керей хан ауып, Шудағы Шағатай нәсілінің ханына барды. Мұнын, артынан, Әбілқайыр хан өлген coң, өзбек халқы біржола бытырап кетті.
Бүл Өзбек деген ат бұрынғы кезде атақты болып, Дәшті қыпшақта Жошы нәсілінен үлкен хан болған һәм өзі мұсылман болып, һәмме Жошы ұлысын мұсылман қылған хан еді. Соның атыменен барша Жошы ұлысы езбек атанған еді. Әбілқайыр хан өлген соң тағы бірталай өзбек қазаққа келіп қосылды. Бір бөлегі Әбілқайыр нәсілінен Баруш Оғлар дегеннің қасында болып еді. Ол
1472 жылы өлтірілген coң, бірталайға шейін бассыз қалды.
1499 жылы жоғарғы Әбілқайыр ханның немересі Шаһбахыт Шайбани деген хан (біздің қазақша Шайбан хан) қасына көп өзбекті һәм қазақтан да жиып алып, Мауренаһар, яғни Самарканд хандығыменен соғыс бастады. Онан 1450 жылдан кейін Шағатай нәсілі Ферғана менен Мауренаһарды билеп тұр еді. Қалалы ғұмырды жақсы көріп, көшпелі халықтарын қалмақ шапқанына болыса алмаушы еді. 1508 жылы Шайбақ Мауренаһарды алып, Ташкентте тұрған шағатай нәсілінен Махмуд хан менен көшпелі халықты билеген інісі Ахмет ханды — екеуін де өлтірді. Хансыз қалған Шағатай елдері және қазаққа қосылды. Бұл елдердің қазаққа қосылған уақытында халқы бек көп болды. Сол кезде қазаққа Әз Жәнібек ханның Қасым деген баласы хан еді. Сонда Қасым хан қол астында бір миллиондай халық бар еді.
ҚАЗАҚТЫҢ ҚАЙДАН ШЫҚҚАНЫ
Жоғарғы әртүрлі шежіре кітаптардың сөзінен біздің қазақ Нұх пайғамбардың Яфаз деген баласының нәсілінен, қытайша — Тукию, біздің тілде — түрік аталған халықтан екені анық болды. Түрік деген дулыға деген соз екен. Онан соң, бір кезде ғұн яки хун деп аталыпты. Оны Нажи Ғасымбек Урхун өзеніне қойылғақ аттан қойылды дейді. Одан кейін әртүрлі атпен бөлектеніп кетсе де, біз Ойғұр Отанынан шыққан елміз. Бұл Ойғұр деген бірігіп қосылған деген мағынада деп, шежіре жазушының бәрі айтқан десе де болады. Сол ойғұрдан қырғыз, қаңлы, қыпшақ арғын, найман, керейіт, дулат, үйсін деген тайпалар шығып, солардың нәсілінен шыққанбыз.
Аңырында Шыңғысхан тамам татар, маңғұлды алып, төрт баласына ел бөліп бергенде, үлкен баласы Жошы мен кіші баласы Шағатайға татар атанған елдерді бергенде Жошыға тигені Жошы үлесі, Шағатайға тигені Шағатай үлесі атанады. Одан кейін біздің Жошы үлесіндегі аталарымыз Жошы нәсілінен Өзбек хан мұсылман болғанда, барша Жошы үлесі өзбек атанып, одан әрі Әз-Жәнібекке еріп, Ноғай хандығынан бөлінгенде қырғыз-қазақ атанған еліміз. Ол кезде сол атпен атанған ел жалғыз ғана біздің үш жүздегі қазақ емес, коп ел еді. Оның көбі отырықшы өмірге кіріп, әр жерге барып, бірталайы ноғай, башқұрт атанып, енді бірталайы өзбек-сарт атанып кеткен. Ақырында қазақ деген ат бізде қалған.
Адам пайғамбардан бергі қарай осы уақытқа шейін үзілмей жазылып келе жатқан шежіре жоқ. Өз-Жәнібек ханнан бері қарай аталары туралы шын да, өтірік те айтылған сөздер бар. Соның ішінде анықты дегенім әм дұрыс шежіре хабарына тура келгендерін шежіре кітаптарындағы сөздерге қосып жазамын.
Шыңғыстың үлкен баласы Жошыхан өлген соң оның орнына Бату Жошы баласы хан болды. Оны орыстар Батый дейді. Ал лақап аты Сайын хан еді. Оның орыс жұртын ңаратып алғаны 1241 жылы Батудан соң інісі Бүрге хан болды, Жошыдан бұрын Еділ-Жайықта қыпшақ атанып тұрған түріктер бар еді. Бүрге хан кезінде үш ордаға бөлініп, Алтын орда, Aқ орда, Көк орда — бәрінің үстінен Алтын Орданы Бүрге хан билеп тұратын. Ақ ордаға Жошының Шибан деген баласы, бер жақтағы тамам көшпелі ел Көк орда атанып, оған Жошының Тоқайтемір деген баласы хан болды. Біздің Әбілмансұр — Абылай хан осы Тоқайтемір нәсілі.
Бүргехан мұсылман болып Беркехан атанды, оған еріп Тоқайтемір де мұсылман болды. Бүргенің орнына Тоқайтемірдің Маңғұтемір деген баласы үлкен хан болып, одан інісі Тудамөңке болып, одан соң жоғарыдағы Маңғүтемірдің баласы Тоқтағу болды. Одан соң Батудың Меңтемір деген баласының Тұрғұл дегенінің баласы Өзбек хан болды. Мұның хан болғаны 1301 жылы еді, Осы Өзбек хан мұсылман болып, халқын да мұсылман қылды. Сол мұсылмандық бұзылған жоқ. «Дін Өзбектен қалды» деген мақал осылай туған және сол ханның атымен барша Жошы үлесі өзбек атанды.
Жошы үлесінің үлкен ханы тұратын Алтын орданың орны осы күнгі Еділ суының бойында, Астрахань мен Саратов арасындағы Тсариф деген қала еді. Ноғайлар Сарай деп атап, оны орыстар Царив деп кетті. Сол кезде де біздің қазақтың орны осы Сарыарқада еді.
1446 жылы Жошы нәсілінен атақты ұлұғ Мұхаммедхан, біздің қазақ Орманбетхан дейді. Сол өлген соң Жошы нәсілдері хандыққа таласып, бірнеше кішкентай хандықтарға бөлініп кетті. Ұдұғ Мұхаммедтің шын аты Темірхан еді. Сол кезде Шибан нәсілінен шыққан Әбілқайыр хан деген 1452 жылы Қазан ханына да, Қырымға да қарамай, өз алдына Жошы үлесінің күншығыс жағын түгел билеп тұрды. Сонда қазақтың ханы Әз-Жәнібек хан еді. Әбілқайырға қарап тұрушы еді. Өз-Жәнібектің шын аты — Әбусағит Тоқайтемір нәсілінен. Барак ханның баласы еді. 1455 жылы Әз-Жәнібек хан немере інісі Шаһгерей хан мен тамам қазақты алып, Әбілқайырға өкпелеп, Шудағы Шағатай нәсілінен шыққан Есенбұғаның баласы Тоқлықтемір ханға қарады. Әбілқайырға өкпелеген себебін біздің қазақ былай айтады.
Біздің осындағы арғындардың арғы атасы Дайырғожа Әбілқайыр ханның сүйікті қазысы екен. Әділ биік айтқандықтан Акжол атанған. Сол Акжол Қобыланды батырмен жауласады. Бір күні далада Қобыланды батыр Дайырғожаны өлтіріп кетіпті. Әз-Жәнібек хан біліп, Қобыландыны шариғат бойынша қысас қылып сұрапты. Әбілқайыр берейін десе, көп қыпшақ бұзылатұғын болғандықтан бере алмай, үш кісінің құнын алып, бітім қыл деген соң Әз-Жәнібек өкпелеп кетеді. Біздің қазақта мақал болып жүрген «Қарақыпшақ Қобыландыда нең бар еді құлыным» деген Дайырғожаның сүйегін айналып жүріп жылаған әкесі Қодан Тайши деген кісінің сөзі. Аты Қодан еді. Тайшы дегені өлеңші-ақын дегені. Біздің қазақтың Арғын атасы Қодан ақын дейтұғыны осы. Және бүл сөзге бір дәлел Арғыға Жапақ ақынның yaқ Жарқын биге айтқан өлеңі.
Жарқын би: «Атаңда ақындық бар ма еді?» — дегенде Жапақ айтыпты:
Алашта Арғын ата туса керек Өзгеден ол ісінің жөні бөлек. Арғынның түп атасы ақын Қодан, Өлеңге бірден ұста болса керек.
Әз-Жәнібек хан қазақты бөліп алып ауарда ноғай атанған туысқандарымыздың жақсыларымен көрісіп, амандасып, жылайды. Соны біздің қазақ домбырашылары Орманбетхан өлгенде, он сан ноғай бөлгенде, ноғай-қазақ айырылғандағы «Жылау күйі» деп домбырамен бір зарлы күй тартады. Бүл Әз-Жәнібек ханға еріп, қазақ атанған елдің қазақ атанбай тұрып бөлінген арғын, найман, керей, қаңлы, қыпшақ үйсіндегі дулат деген сықылды туысқандар жер жүзіндегі түрік нәсілі жұрттардың көбінің ішінде бар. Және қазақ атанған соң да көбі бөлініп, ноғай, башқұрт, өзбек атанып кеткен. Мұндағы үш жүздің қазағы атанып жүрген ел сонан қалған бір аз ғана кісінің нәсілі.
Біздің қазақтың үш жүзге бөлінгенін қазақтар былайша айтады. Әз-Жәнібек қазақты Қашқардағы Шағатай нәсіліне қаратқан соң кешікпей сол кезде көшпелі басқа елдерді Жүніс ханның Ахмет деген баласы билеп, оның ағасы Жәнеке, шын аты Махмұд деген Ташкентте үлкен хан болыпты. Сонда Ахмет хан қазақтың әскерге жараулысын үшке бөліп — Ұлы жүз, Орта жүз, Кіші жүз деп, қалмақты шаба берген соң, қалмақтар Ахмет ханды Алаши қойыпты, мағынасы — жан алғыш дегені. Оны естіген соң Ахмет — қалмаң бүл атты қорыққан соң қойды, енді қалмақты шапқанда — Алашылап шабыңдар деген соң, қазақтар Алаши деп шауып, сол қазаққа Ұран болыпты. Алаш — Алаш болғанда, Алашы хан болғанда, қалмақты не қылмадың деп, қазақтың мақтанғаны сол.
1499 жылы Әз-Жәнібек өкпелеген Әбілқайырдың немересі Шайбақ хан деген Әміртемір нәсілінен Бұқара, Самарңанды тартып алып, 1508 жылы Мауреннаһарды алып, Ташкенді алмақ болғанда, қазақты билеген Ахмет-Алаш пен ағасы Жәнеке, Махмуд Ордатөбеде Шайбақпен соғысқанда қазақтар — Шыңғыс тірі күнінде бізді Жошы үлесіне беріп еді, Шағатай біздің ханымыз емес, Тәжік сарт туысқанымыз да емес, өзбек өз ағам, сарт болса да садағам деп, Шайбақ ханға қосылады. Сол соғыста Шайбақ жеңіп Махмұд, Жәнеке мен Ахмет-Алашты өлтірген соң, сондағы Шағатай нәсіліне қарап жүрген қазақ пен жаңын елдер және қазаққа қосылды. Бұл сөздің анықтығы — Әбілғазы Баһадүр, Аристов екеуінің кітабында да бар. Сол себепте қазақтың ауызсөзі де рас шықты. Ол уақытта Әз-Жәнібек ханның баласы Қасым-хан еді. Қол астындағы халқы бір миллиондай болды.
«Қасымханның қасқа жолы» деген қазақтың алғашқы бітім билігін шығарған осы хан еді. Одан кейін Сығай хан болып, оның баласы Тәуекел хан болды. 1598 жылы Сығай хан Шайбани нәсілінен Ташкентті тартып алып, Түркістанға орнықты. Сөйтседе, көшпелі халықтың қалалық жұртты билемегі қиын болды. Бір жағынан Мағұлдан қысып көріп, қазақтың жеріне келген қалмақтар да тыныштық бермей. Сығай ханның орнына хан болған Тәуекел хан кезінде Шайбани нәсілдері Ташкентті қайта алады. Олардың ханы Түрсын-Махмед деген еді. Тәуекел хан орнына Есім хан болды. Қазақтың «Еңсегей бойлы ер Есім» дейтұғын ханы осы. Және Қасымханнан қалған қазақтың жолын түзетіп, «Есім ханның ескі жолы» атандырған осы еді. Осы Есімхан 1628 жылы Тұрсын-Махмедті өлтіріп, Қатаған елін шапты. Бұл сөздің анығы мынау: «Шежіре түрікті» жазған Әбілғазы Баһадүр хан туысқандарымен хандыққа таласып, Үргеніштегі өзбектер бұзылып, үш бөлініп кеткенде, осы Есімханның қолына келіп тұрдым дейді. Сонда Есімхан Тұрсын ханды өлтіріп, Қатағанды шапты дейді. Жәрдем көремін деп келген хандардың жайы былай болған соң, біздің тоғызыншы ағамыз — Сарының қатыны, Тұрсын ханның қызы Қоңырбике сол 1628 жылы алып келінген болды. Оны қазақтар былай айтушы еді: «Атамыз Сарымен бір туысқан інісі Әлі деген бір сарт қызметкер болып жүргенде Есімхан Қатаған елінің ханы Тұрсынды өлтіріп Ташкентті қайта алыпты деген хабар келіпті. Мұны естіген соң Әлі сарт жемге байлаған екі атын мініп, елге қарай қашыпты. Жолда келе жатып, әкесінің өлгенінен бұрын сейілге шығып жүрген Тұрсынханның қыздарына жолығып, оларға сырын айтып, елге келіп, елден кісі алып барып, Айбике, Нұрбике, Қоңырбике деген Тұрсынханның қыздарын қаншама нөкер қыз әм жасау, жолдастарымен алып келген соң, Әліге көріп-бастап барған жүлдесіне — Қоңырбикені барша киім, шатыр сайманымен берген соң, жасау киімдерін өзі алып, Қоңырбикені ағасы Сарыға беріпті. Сол Қоңырбикеден біздің сегізінші атамыз Кішік пен Мәмбет туыпты.
Есімханнан coң баласы Жәңгір хан болды. Оны қазақ, салқам Жәңгір деп атады. Онан соң оның баласы Әз-Тәуке хан болды. Осы Әз-Тәукеннің тұсында қазаққа Қатаған да, Қалмақ та, Өзбек— сарт та жау болып, Ташкентті алып, қазақ онда көп тура алмай, 1652 жылы ауып, Әмударияның жағасына, фарсының бергі шетіне барды. Бұл Әз-Тәуке Салқам Жәңгірдің қалмақтың ханының қызы қатынынан туған баласы еді. Мұнан басқа Үргеніштегі Ғайыпханның қызынан туған Уалибаки деген баласы бар еді. Жәңгірдің орнына Әз-Тәуке хан болғанда Уалибаки хандыққа өкпелеп, Ғайып ханға кетіп қалды.
Әз-Тәукеннің тұсында қазақ Әмурдарияда тұрғанда, бұрын фарсыға қарсы тұрған Ақжар деген түрік нәсілінен бір Нәдіршаһ деген мықты кісі шығып, фарсы жұртын қаратып алған да, қазақ содан қорқын, қайта ауып Сырдарияға кетіпті.
1690 жылдар шамасында Өз-Тәуке өліп, орнына баласы Болат хан болды. Осы келгенде қазақтың бұрынғы орнына қалмақ келіп қалған екен. Содан жанжал төбелес болып, ақырында 1723 жылы қазақ-қалмақ болып жиылып соғысқан да, қазақтың көбін қырып, қалғанын қуып жіберген соң қазақтар аш-жалаңаш жаяу шұбап, бір көлдің басына келіп, көлді айнала сулап жатыпты. Сонда бір ақсақал кісі айтыпты: балалар адам бастан кешкен жақсылықты қаядай жұтпаса, жаманшылық көргенінде, сондай жұтпауы керек. Біздің бұл көрген бейнетіміздің аты «Ақтабан шұбырынды, алқа қол сулама» болсын дейді. Мағынасы — табанымыз ағарғанша жаяу жүріп, көлді айналып жатқан күн дегені. Және сол жолда айтылған қазақтың ескі өлеңі мынау:
Қаратаудың басынан көш келеді,
Көшкен сайын бір тайлақ бос келеді,
Қарындастан айрылған киын екен,
Қара көзден мөлдіреп жас келеді,
Мына заман қай заман, қысқан заман,
Басымыздан бақ-дәулет ұшқан заман.
Шұбырғанда ізіңнен шаң борайды,
Қаңтардағы қap жауған қыстан жаман.
Мына заман қай заман бағы заман,
Баяғыдай болар ма тағы заман.
Қарындас пен қара орын қалғаннан соң,
Көздің жасын қол қылып ағызамын.
Ауыл көшкенде, Қаратаудан көш асқанда, енесін іздеп бір тайлақ көшті жанай боздайды. Қарындасын, жақынын қалмақтар өлтірген жылаулар, оны жоқтап, о да зарлайды. Көштің алды-артын шолып жүрген батырлар қарауылда тұрып, соны көріп айтқан өлеңдері еді. Біздің Әнет бабаң деген кісінің 97 жасында жүре алмай, қалған жолы да осы.
Бөкеңменен туыс қап Қалқаманның Мәмбетейдің Мамыр деген қызы туралы «оққа байладың» деп Әнет бабаңа өкпелеп, Бұхара төңірегіне жеткені де осы жолдың аз ғана алды еді.
Әнет бабаңның бәйбішесінің бес баласы — көп Болаттар қалмақтың оғына ұшып өлгені де сол соғыста еді. Осы «Ақ табан шұбырынды» болып ауғанда ұлы жүз Бұхара, Ташкент маңына жаңын қалып, орта жүз Есіл, Нұра, Сарысуға барды. Қыпшақтар онан да ары Арал көлі мен Ақтеңізге барып, башқұрттар мен кіші жүз алшын одан күн батыс әм солтүстікке барды. Сонда кіші жүздің ханы Әз-Тәукенің баласы — карт Әбілқайыр хан еді. Орта жүзде Болат ханның бір баласы Сәмеке хан еді, ұлы жүздегі үлкен хан, бәрінің үстінен қарайтұғын Болат ханның Әбілмұхаммед деген баласы еді. Оны біздің қазақ Әбілмәмбет дейді.
Аристов сөзінше — сол ауғанда, ұлы жүздің қаңлы, дулат деген тайпалары қалмаққа қарап қалды — дейді. Қалмақпен көбіне ұрысқан біздің орта жүз еді. Қазақтар үш бөлінердей күніміз туса, тыныққан соң жиылып, қалмақтан ата қонысымызды алайық деп, уағадаласып тарқасады. Қалмақтың осы зорлығынан ауып, ішкері орысқа жаңын отырғандар, барғандар 1731 жылы қалмақтан құтылуға орысқа қарамақ болды.
Мұнан кейін ұлы жүздегі Әбілмұхаммед хан тамам қазаққа хабар айтып, жиылып; пен соғыспақ болды. Сол кезде өзіміздің Абылай хан жас бала күнінде ұлы жүзге келген кезі еді. Оның мәнісі мынау: жоғарыда айтылған Саддам Жәңгірдің бір баласы — Уәлибаки хандыққа өкпелеп, Үргеніштегі нағашысы Ғайып ханға барды деп едік. Оның баласы Абылай деген бек мықты болып, жекпе-жекке шыққан батырларды өлтіре берген соң, «Қанішер Абылай» атанды. Оның баласы Көркем Уәли, оның баласы Әбілмансұр — біздің хан Абылай дегеніміз осы Әбілмансұр еді.
Жоғарғы үш атасы да Ғайып ханның қолында тұрып, хан болмай өлген. Мұның тұсында Ғайыптың нәсілінен хандық кетіп, жүдеу тартқан соң, Әбілмансұр жетім бала күнінде қазақ елім, Сарыарқа жерім деп іздеп, үйсін Төле бидің қолына келді.
Төле би басында түйе бақтырып, онан соң жылқы бақтырып, аңырында, әртүрлі мінездерінен ұнап, бала қылып күтіпті. Кімсің десе, білмеймін деп, атың кім десе — сіз қойған ат атым болсын, деген соң шашы өскен, киімі жыртың баланы Сабалаң деп ат қойыпты.
Бір күні Әбілмәмбет хан қазақты жиып, қалмақпен ұрысқалы жатыр дегенді естіп келіп, Төле биден соғысқа баруға рұқсат сұрапты.
Төле би: «Балам, саған соғысудан жылқы баққан жақсы емес пе?» — десе, «Желіккен дудан, жер Қайысқан қолдан қалғанша, жігіт адамның өлгені жақсы», — деген соң, Төле би рұқсат беріпті. Барса, қазаң пен қалмақ екі төбеге жиналып, ортасында қалмақтың Ғалдан Серен деген ханының күйеу баласы Хоқтажы деген әскер басының баласы Шарш қазақтан жекпе-жекке батыр сұрап тұр екен.
Әбілмәнсұр Әбілмәмбет ханға барып: «Тақсыр, бата беріңіз, мынаған мен барайын» дегенде, хан бата берген соң Шаршке қарай «Абылай, Абылай», — деп уран салып барып, Шаршты өлтіріп, басын кесіп алып, «жау қашты» деп айғай салған соң, қалмақтар қашып, қазақтар қырып, бір мезгілде бір жерге келіп, хан шатырын Құрып, Әбілмәмбет Әбілмансұрды қасына отырғызып: «Шырағым, сен кімсің? Абылайлап шапқаның қалай?» — десе. Мен қанышер Абылайдың немересі едім. Соғыста жолы болған атамның атын уран қылдым», — депті. Сонда Әбілмәмбет хан «Қарағым, бауырым!» — деп құшақтап сүйіпті де, халқына айтыпты: Баяғы Уәлибақтың нәсілінен бір жалғыз бала қалды деп естіп едім. Бұл сол екен. Сіздер ұнатсаңыз, үлкен хандық осының орайы еді, — деп халыққа ұнап, үш жүзден тоқсан жақсылар ертіп барып, өздері қасиетті көретұғын арғын-қыпшақ нәсілінен Жәнібек деген кісіден бата алып, Әбілмансұрды үлкен хан қойыпты.
Абылай атанғаны, жоғарыда айтқандай, Абылайлап шапқаны болды. Абылайдың хан болғаны 1735 жылдың маңайы болар. Сонан соң, біздің орта жүздің жақсылары «бұрын үлкен хандар ұлы жүзде болушы еді. Бұл ханды өзіміз сақтаймыз. Қалмақпен көп ұрысатұғын біз» деп Төле биге сый алып барып, Әбілмансұр-Абылай ханды алып келіпті.
1741 жылы Ташкенттегі қалмақтың ханы Ғалдан Серен «Қайда болса да Абылайды тірі ұстап алып кел, Шарштың орнына өлтіремін», — деп отыз мың әскермен Жалбы деген батырын жіберіпті. Осы Шыңғыс пен Тарбағатай тауының тау арасындағы жолдармен жүріп қарағандықтан, сондай жолдар Жалбы жол атанған. Жалбы батыр іздеп барып, Ұлытауда аң аулап жүрген yaқ Өтеген батырды ұстап алып, Абылайды сұраса, айтпаған соң қол-аяғын кісендеп және Абылайды ұйықтап жатқан жерінде ұстап алып, екеуін Ғалданға алып барады.
Өтегенді зынданға салып, Абылайды есекке мінгізіп, қорған күзеткендердің қасына қойды. Орта жүздің қазағы Абылайды алып кетті деп, кіші жүз ханы Әбілқайырға барған соң ол— Нефлуев яки Нифилдиев деген жандаралына айтыпты. Ол Абылайды сұрастырып, Ғалданға Миллер деген майорды жіберіпті. Және қазақтар өзімізше сұраймыз деп, үш жүздің өңкей жақсылары да барыпты.
Ғалдан оларға жауап бермей, әлденеше күндей қонақ қылып, бір күні хан ордасына қазақты да, орысты да жинап, Абылай мен Өтегенді алып келіп, Өтегенді кісенімен босағаға тастап, Абылайға «Мен сені Шарш сықылды батырдың орнына өлтіремін, не арманың бар?» — депті.
Сонда Абылай — «Тақсыр, менің үш арманым бар — әуелі мен Шаршты қазақ пен қалмақтың қан майданында өлтірдім. Сіз мені ұйқыда ұстап алып өлтіргелі отырсыз. Қазақ пен қалмақтың қан майданында өлсем арманым жоқ еді.
Екінші арманым — қазақ орнықпай жүрген ел еді. Бір жерге орнықтырып, отырықты өмірге кіргізіп өлсем армансыз едім.
Үшінші — төрт атадан бері жалғыз едім. Осы күнде өліп кетсем не бала, не бауырым жоқ дүниеге келмегендей боламын ғой дегенде, Ғалдан хан төмен қарап отырыпты да қасындағы уәзіріне: «Мынаның сөзінің бәрі рас. Әсіресе, соңғы сөзін қарашы. Мен де торт атадан бері жалғыз едім. Осы күнгі жалғыз балам — Әмірсана өліп кетсе, мен де тұқымсыз кеткенім-дағы — деп қалмақ тілімен айтқан екен.
Абылай хан «Алдияр!» деп қол қусырып, түрегеліпті. Ғалда хан:
— Сен неге Алдияр дедің, мен сені өлімнен босаттым ба? — десе:
— «Тақсыр, балаңызға ұқсатқаныңыз, босатқаныңыз ғой. Мен қалмақша тілді білемін», — депті.
Ғалдан Абылайдың сөзіне разы болып, Әмірсана екеуін дос қылып, қазаққа, орыстарға да қаншама сый беріп, Абылайға Күндебауырдан бір өз нәсілінен жетім қыз беріпті. Күндебауыр деген «Үзілмес достық» — дегені. Сол қыздың бір кішкене інісі апасынан қалмай, жылаған соң, оны да Абылайға беріп, өз бауырындай көр деп тапсырған екен. Абылай оның атын Махмұд қойыпты, ал біздің қазақ Мәмбет дейді. Оның баласы Бөлшеке, Бөлшекенің баласы осы күнгі Мәмбетей — Мотыш ішіндегі Шыңғысхан, Семейхан төрелер.
Ғалдан Абылайды босатқаны 1743 жылы еді. Сонда Абылайдан Ғалдан хан үш сөз сұрапты.
Бірі:
— Еліңде қой көп бола ма? — депті.
— Көп десе:
— Ендеше, «қойшы — өтірікші, қой — ұры» деген сөз бар еді.
Еліңнің ұсақ жанжалы басылмас, — депті.
Екінші сөзі:
— Еліңде сиыр, жылқы көп пе?
— Көп, — дейді.
— Ендеше еңбексіз сүт пен қымыз ішіп, ет жеп, балалары ақымақ туады десеңші, — депті.
Үшіншісі:
— Елің егін сала ма?
— Салмайды, — депті.
— Олай болса, жер емшегін ембеген ел әлі де болса неше аударылып, қозғалып, жуырда орнықпас депті.
1754 жылы Ғалдан хан өлген соң, қалмақтар өз ішінен бүлініп, қытайлар қалмақты шауып быт-шыт қылды. Қалмақтың бұл бүлінгенін Тибет пен Мұңғұлдың алалығынан болды, деп жазады Аристов өз кітабында.
Біздің қазақ одан кері бір түрлі сөз айтады. Ол мынау: Ғалдан ханның қатыны, Әмірсананың шешесі Қытайдың Ежин ханының қызы екен. Оны аларда Ғалдан өзі бармай, бірталай сый мен жақсы адамдарын жіберіпті. Қызын қысты күні ұзатқан екен. Жолда қыс жаман болып, неше күндей боран соғып, әбден өлер болып, адасып жүргенде, Алатауда қаншама батырларымен жол тосып, батырлық қылып жатқан ұлы жүздің Төлеки деген батырына жолығыпты.
Төлеки оларды екі-үш қонақ қылып — еліне бар десе, қыстың жамандығынан жете алмай, Төлекиге жалынып, қыстай тұрып, жаз шыққанда кеткен екен. Сонда қыз Төлекиден буаз болып барып, Әмірсананы тапты деп өсек тараған екен.
Ғалдан хан өлген соң, өзге ағайынның балалары сол сөзді сылтау етіп, Әмірсана қазақтың баласы деп хан коймай, қалмақтың көбі өзгелеріне қосылып, хан қоймаған соң, Әмірсана нағашысы Ежин ханға барыпты. Ежин хан бүл жақтағы қытайлардың бастықтарына —қалмақты Әмірсанаға қаратып бер десе — Қытай келіп, қалмақты шауып, быт-шыт қылып тоздырып жіберген соң, Әмірсана — елімді тоздыр дегем жоқ — деп қытайдың әскерімен жауласып, қашып Абылайға келеді. Абылай Қытай келіп қала ма, жер шола үш мың кісімен барса, осы Аякөз өзенінде жолығыпты. Неғып жүрсің десе
— Әмірсана сенде, соны бермесең қазақты шабамыз, — деген соң, не қыларын біле алмай, Әмірсананы үш күнге шейін тауып бермек болып, қайтып келіп, Қытай әскері жоқ десе Әмірсана Абылайға: — сен Қытайға жолықтың, бірақ мені береріңді, иә қазақты шапқызарыңды білмей отырсың ғой. Мені Қытайға бер, бірақ, екі сөз айтайын, әуелі мені алдым деп хат бересің. Соған тоқсан жақсы кісінің бармағын сиялап, мөр орнына басқызып ал, мөрден танар, қол сызығынан тана алмас. Екінші, мен де хан баласымын ғой және.
Ежиннің жиенімін ғой, өз алдына алып барғанша байламай, күзетіп бос алып бар деп тілек қыл деді.
Абылай Әмірсананың айтқанын қылды да Қытайға берді. Былай шыққан coң, үш күн өтпей, Әмірсана бір тұман күні қашып кетіп және Абылайға келген соң, Абылай ұстап тұра алмай, орыстың Екатерина екінші деген қатын патшасына жіберіпті. Қытайлар қайта келіп сұраса, Абылай — өздеріңе бергенмін, деген coң қайтып кетіпті.
Орыс патшасы Әмірсанаға қалған қалмақтарды қаратып бер деп, көп әскер жібергенде, жолда Әмірсанаға шешек шығып өлген coң, орыс әскерлері қайтып кетіпті.
Жоғары айтылған 1723 жылы қалмақтан жеңіліп, «Ақтабан шұбырынды» көріп, орта жүз Есіл, Нұра, Сарысуға барғанда, біздің тобықты Орынбордың бергі жағында Ордың қара ағашына барған. Онан да ары барған кіші жүз қазағы орысқа қарамақ болыпты деген coң, тобықты қорқып көшіп, Ырғыз, Торғай өзендеріне келген. Сонда біздің төртінші атамыз Ырғызбай мен інісі Торғай туып, аттарын сол өзендер атымен қойыпты. Онан және бері қарай көшіп, Мамай батыр бастап, осы Көкен орды, Қоғалаң таудың ортасына келіпті. Сол кезде орта жүз де орысқа қарамақ болды, дегенде Дауан тобықты — Қараменде бидің Kеңrip6afi биге айтқан өлеңі мынау:
Басында Сырдан шығып, Орға келдік
Табан тиіп, жүре алмай, зорға келдік.
Құл алдынан құрулы талқы деген,
Бұл жаққа баққа келмей, сорға келдік.
Сәлем де Кеңгірбайға, кел кетелік
Мықты сабаз атанды терлетелік.
Мұсылманның жұртына маңдай ойып,
Аты жақсы дариядан ары өтелік.
Біздің тобықты мұнда келген кезде, бұрын келіп, қалмақты қуған найман, матайлар Шыңғыс бектерінде екен. Уақ Ертіс жағасына қоныстаныпты. Тобықтыны арып-тозып келген ел деп, матайлар малына зорлық қыла берген coң, тобықты матаймен жанжалдасып, бұрынғы Арғынның ата қонысы Шыңғысты өзіміз аламыз деп матайды қуып, Шыңғысқа орнықты. Бұлар матаймен әуре болып жатқанда, уақтар Көкенге келіп қонған соң, Кеңгірбай кісі жинап барып уақты қуып жіберіп, осы күнгі Kеңгірбайдың Тас үйген деген жеріне барып қоныпты. Уақтар Көкеннен тобықтыны шығара алмаған coң, өздерімен көрші қазақ-орыстардан кісі жиып алып келіп Кеңгірбайдың ауылын шаппаң болған coң, Кеңгірбай би: «Мен Арғынның жақсы кісілеріне хабар жібердім. Арғын мен уақ ортасына бөлік салып, бітелік», — деп тоқтатып қойын, түн болғанда тебе басына кісі сықылды қылып, көп жерге тасты үйіп, өзі түнде көшіп кетті. Ертесіне уақтар қараса, орнында тас қана жатыр, алданғандарын сонда ғана білген. Сөйтіп, тобықты Шыңғыс тауына ие болған.
Біздің қазақтың ескі сөзінше:
— Бұл Шыңғыс тауының Шыңғыс атанғаны баяғыда Шыңғыс хан тамам мұңғұл татарды алып, үлкен хан болғанда, осы Шыңғыс тауында қол астындағы елдердің тайпа басы бектері келіп, мына Қарауыл өзенінің күншығыс жағындағы хан биігінің басына ақ кигізге салып, хан көтеріп Шыңғысты алып шыққан. Сондай ұлы жүз қазағынан үйсін Майкы би барған екен. «Түгел сөздің түбі бір, түп атасы Майқы би» деп мақал болған сол кісі. Және орта жүзден қоңырат Сеңгіле би барған. Сонда Шыңғыс хан бектеріне ұран, құс, ағаш таңба беріпті.
Ұлы жүз Майқы биге — таңбаң бүргі, яғни, малатемір болсын, құсын, бүркіт болсын, ағашың қараағаш болсын, ұраның — Салауат.
Орта жүз Сеңгеле биге — ұраның, құсың — Сұңқар, ағашын, — алма, таңбаң — ай болсын депті.
Шыңғыс ханның, шын аты Темушин еді. Сол үлкен хан болғанда, Шыңғыс қойды, мағынасы — бек мықты, зор деген сөз.
Бүл таудың Шыңғыс атанғаны, сол ана биіктің Хан биігі атанып, осы біз қыстап отырған өзеннің Хан өзені атанғаны, бәрі де сол Шыңғыс хан атымен байланысты.
Әбілғазы хан сөзінде: «Бұл таудың бұрынғы аты Найман — Күре болса керек». Жоғарыда айтылған қалмақ бөлініп, хандығы жоғалып, бұрынғы қалмақтан қашып кеткен қара қырғыздардың көбі қайтадан Алатаудағы орындарына келеді. Ұлы жүз қазағы күнбатыс Алатаудан Қаратал өзеніне дейін өз орнын алды. Орта жүзден керей мен найман Тарбағатайға келіп, ақырында Қытай жеріне кіріп, найманның шеті Есіл, Нұра басына дейін барып, керей Қара Ертіске барды.
1757 жылы Абылай мен Әбілмәмбеттің баласы Әбілпейіз хан Пекин қаласындағы Қытайдың ханына барып, Қытайға қарап тұрмақ болып, yaқ атанып келді, мағынасы орысша вассальный князь, қазақша ішінен өзі билеп, сыртынан Қытайға бағынышты болмақ. Қытайға жүз жылқыдан бір жылқы, мың қойдан бір қой берсе, қалмаққа қараған жердің бәрін де иеленіп, қыстап көшіп-қонып жүрмек.
1765 жылы орыс патшасымен ынтымақтасып, Ертістің бер жағына он шақырым бөлек қалып, одан әрі өтіп барған қазақтар жер аңысына орысқа мал төлемек болды.
1765 жылы Абылай хан мен Әбілпейіз хан ұлы жүзге бола
Ташкенде қойған Қоқан ханның бегін қуғалы барғанда соғысып, ақырында Ташкентті босатып алған тойды, Абылайға еріп барған біздің төртінші атамыз Ырғызбай балуанға түсіп, атақты Қоңыраулы балуанды жығып, балуан бәйгесіне тіккен астықты алып, барған әскеріне азық қылыпты.
1780 жылы Жүніс қожа деген ұлы жүзді жеңіп, Ташкенді алды. Ол өлген соң, 1810 жылы Ташкент те Қоқан ханына қарады.
Сөйтіп, Абылай хан орыс патшасына сүйеніп, қазақты отырықты қыламын деп жүргенде, арғын Бекболат би болымсыз нәрседен Абылай ханды өкпелеткен соң Абылай хан ұлы жүзге кетіпті, оның себебі мынау:
— Бір тойда қазақтың бір қадірлі байының жалғыз баласы Абылайдың немересін хан баласы екенін білмей, қамшымен ұрса, басынан тымағы түскенде, хан баласы киетін белгілі, оқалы тақиясы көрінген соң, Бекболат би — шырағым, кеш деп Абылайға білдірмей қойыпты. Артынан Абылай естіп, сол ұрған байпатшаны берсін, ханда кәдір болмаса, қарада ұят қалмайды деп Бекболатқа кісі жіберіпті. Бекболат оз баласы Тіленшіні ханға жіберіп, не мені алсын, не сұраған жігітті алсын десе, Абылай хан — бұл Бекболаттың мені қазақтың бір баласы құрлы көрмегені ғой десе, Тіленші Абылайға — түйенің өзі түйе, құмалағы да түйе бола ма, деп қарсы соз айтқан соң, мынаның мені түйеге ұқсатып, баламды құмалақ дегенін деп, Тіленшіні ұстап алып, ұлы жүзге қарай көшеді. Артынан Бекболат барғанда Абылай хан — неге келдің десе, баламды бер, балама келдім деген соң, Абылай хан — Бекболат, сен мені іздеп келді ғой десем, ханның қадірі мен қазақтың елдігін жоғалтайын деген екенсің, балаңды ал да кет, деп өзі ұлы жүзге кетіп, сонда өлді. Абылайдың дәл қай жылы кеткенін біле алмадым. Қалайда болса, қисыны 1788 жылдың орайы болар.
Абылай кеткен соң, орта жүзге қырысқан Барак хан болды. Бұл кіші жүздегі Бөкей хан емес. Сол Бокей орыстың Александр Павлович деген патшасы тұсында әскер басы Ғалез деген кісі 1811 жылы хат жазғаны бар. Орта жүзге хан атанғанының ең соңы Тұрсын Шыңғысұлы Бокей немересі Қарқаралыны билеген. Сонан соң хан деген біржола қалып, аға сұлтан, старшина сайланғаны би Тұрсын ханнан бұрын 1822 жылы еді.
Қазақтың ең алғаш орыс заңына қарай бастағаны сол жыл. Одан кейін 1824 жылы қырдан округ ашылып, басында бес жылға дейін алымнан азат болып, содан соң жүз малдан бір мал алып берді. Ақырында, 1868 жылы жаңа заң шыққан соң, қазақ біржола орыс заңына қарады.
Біздің қазақ — басынан көшпелі болып, ат үстінде жүрген халық. Қала болғанша — мола бол. Арық атанған аштан өледі, деп, барымташылықты мақтап, тұрақсыз қазақ болып күн кешкен жұртпыз.
ҰЛЫ ЖҮЗ
Балхаш, яки Теңіз көліне құятын Қаратал өзеніне, Сырдария әм Шыршық өзеніне дейін — қаңлы, дулат нәсілі. Бұл дулат бұрынғы күйіскі нәсілінен. Арғы түбі қара қырғыздан шыққан, Ғайса пайғамбардан 150 жыл бұрын күнбатыстағы Алатауға келген. Сол дулаттың оңтүстік күнбатысына келген көп қаңлы және қалының маңышқы тобы. Ұлы жүздің ең көбі — дулат болған, оның ішінде Ботабақ, Шымыр, Сүйкім, Жарыс, Албан, Суан. Албаннан шыққандар қызыл бөрік қоңыр бөрік. Айтбозым, Сегізсары, Құрман, Алжан, Қиыстың және Іле өзенінің солтүстік жағында ескі үйсін нәсілінен сары үйсін бар, оның рулары: Құттымбет, Жанай, Жолай, Танай, Жандосай, Құлеке, Қырық.
Ұлы жүздің дулаттан кейінгі көбі жалайыр болған. Оның рулары: Андос, Мырза, Қара шолан, Орақты, Ақбейім, Қалпе, Сыпатай, Арықтыным, Бойшегір, Сыпыршы, Бағалы, Қайшылы, Көшік осы Кешік (Көшім) деген біздің Қалқаман нәсілі бола ма деп ойлаймын. Себебі осының түбі жалайыр емес дейді.
Жалайыр бұрынғы уақытта бек коп ел болған. Әртүрлі түрік нәсілінен жиылып ел болған.
Ұлы жүздің шапырашты, ысты дегендері Алматыға қарайды. Сіргелі мен атақты Сырдарияға жақын. Бұл төртеуі қаңлыдан шыққан. Ұлы жүз ішінде қоңырат та бар. Ол басында орта жүз елі еді. Өкпелеп көшіп барған. Мұны Әбілғазы Баһадүр хан — мағұл ханы Қиян деген баласының нәсілінен Жорлыңмергениің баласы Қоңырат деген кісінің нәсілі дейді. Оның руларын орта жүзде атаймыз.
КІШІ ЖҮЗ
Аристов — Кіші жүзді Орта жүзден бөлінген Алшын тобы дейді. Иофшин сөзінде Кіші жүздегі рулар: ең басты елі — алшын. Оған жеті ру деген елдерді атақты Тәуке хан қосқан.
Бұл күнде кіші жүз үш ру: Байұлы, Әлімұлы, Жеті ру деген. Әлімұлы алты ру: Қарасақал, Қаракепсеқ Қызай, Төртқара, Шөмекей, Шекті.
Байұлы он екі ру: Адай: Жаппас, Алтыбас (алаша), Байбақты, Масқар, Беріш, Таздар, Есентемір, Шеркес, Тана, Қызылқұрт, Ысың.
Жеті рулар: Табын, Тама, Қабаршары, Керейіт, Жағалбайлы, Тілеу, Рамадан.
Бұлардың ішінде Орта жүз арғыннан аталар бар екенін білерсіз. Кіші жүз ішінде біздің, тоқал арғын деп аталатын Саржетім. Шақшақтың нәсілі бар екені анық. Бірақ, жоғарғы аталардың ішінде анық аты ұқсағаны жоқ. Олай да болса, Шекті дегені Шақпақ бола ма, деп ойлаймын, яки арғын болған coң қоспаған ба? Және бүл Кіші жүздің әр руынан бөлініп, 1801 жылы Бөкей ханға еріп, Орал суынан әрі өтіп көшкен, Бөкей елі атанғандар Әлімұлынан: Қызай деген, Байұлынан — Беріс, Шеркес, Адай, Жаппас, Масқар, Ысың, Есентемір, Байбақты, Алтыбас (алаша), Тана, Қызыл күрт, Таздар.
Жеті рудан: Тама, Табын, Керейіт және Tөpe, яғни, хан нәсілінен шыққан он алты ру ел, оның ішінде қожалар, ноғай, төлеңгіт деген, бұл қожа мен төлеңгіт ханға жиналғандар. Ноғай бұрын торғауытқа қapaп, торғауыт кеткенде де өз орнында қалған ноғайлар.
Кіші жүз қазағының ертегі сықылды сөзі: Алашхан деген хан тұсында алапес бала туса, далаға апарып тастапты. Бір күні өзінің де қатыны алапес бала тапқан coң, оны да шешесінің қасына қырық қыз қосып, апарып тастап, қырғыздар содан тарапты, Алшын сол нәсілден дейді. Бұрынғы кезде алақшын деген ел болған. Қытайша — пума дейді. Енесей жүрген қырғызбен нәсілдес, Алшын содан шыққан болар.
ОРТА ЖҮЗ
1220 жыл шамасында бұрынғы қырғыз жерінің, яғни Сарыарқаның күншығысы мен оңтүстігі арасында арғын, найман, керей деген елдер араласып көшіп жүрді. Одан кейінгі кезде Әз-Тәуке ханның тұсында ол жақты қалмақ жеңіп алып, қазақ ауғанда және араласып кетті. Және 1723 жылы қалмақтан жеңіліп, «Ақ табан шұбырындыда» тіпті былығып араласты. Сонан соң, керей мен найман қайта келіп, Қытай жеріне кіргенде және арпалысты.
Осы күнде орта жүз қазақтары Лепсі, Қапал ояздарында, Жетісу облысында. Семей, Ақмола облыстарында түгел бар. Сырдария, Торғай облыстарында бір бөлігі бар. Қытайға қараған Қызай, Бәйжігітгер бар. О рысқа қарағанның ең күншығыс бетінде керейдің көбі бар. Мұнан coң орта жүздiң әртүрлі руларын өз алдына бөліп жазамын.
ҚАҢЛЫ
Қаңлы деген — арбалы деген сөз. Ойғыр ішінен қаңлы атанған. Бұлар бұрын бек көп ел болған. Стамболдағы Оспанұлы Түрік те қаңлы нәсілінен. Бұлар да әp түрік нәсілінің ішінде бар. Біздің орта жүзде әр жерде азғана бар. Кейінгі аталарын білмеймін.
ҚЫПШАҚ
Бұл қаңлыдан бөлініп, елсіз бос жерге кеткендіктен қыпшақ атанған. Мағынасы бос-шөл, елсіз деген сөз. Шыңғысханнан көп бұрын Еділ-Жайық маңына барып, бір патша жұрт болып тұрғанда Жошы хан алып қаратқан. С олардың атымен ол жақ Дәшті Қыпшақ атанған. Қыпшақ руларынан араб жазушылары Әмір Рухнеддин әм Ебннхалдун деген былай деп жазады: Токсоба, Сита, Буржоғли, Антуғли, Дәрт, Қабарұғлы, Жүзінен, Қараберкли, Қотан, Бөрлі, Қанғу. Орта жүзде әр жерде аз ғана қыпшақ бар болса, қай руынан екенін білмеймін. Қыпшақтың азайған себебі: әртүрлі түрік халқына қосылып кеткендіктен көбі ногай мен өзбек болып кеткен.
ҚОҢЫРАТ
Қоңырат басында орта жүзде болған. Рәшиддин мен Әбілғазы хан сөзінше: қоңырат Оразған нәсілінен Дүрілген деген тайпаның Жұрлық мергеннің баласы Қоңырат деген кісінің нәсілінен. Радловтың сөзінше: әм қазақтың ескі сөзінше қоңырат екі атаның баласы — көк көктенши деген. Левшиннің сөзінше: байлар, жан шар. Оразкенті, Құлшығаш, Боштан, Тоқболат, Жаманбай, Қаракесек Жетім, Сансыз, Құят. Менің ойымша осы жетім дегендер біздің тоқал арғын. Сұмдықтан — Сарыжетім деген баласының нәсілі болар. Оның себебі: Сарыжетім Шақшақтың шақшағы кіші жүзде бар. Жетім дегені жоқ.
Қытай жазушысы Юан-Шу-ми-ши сөзінше бұрынғы заманда ункурлар яғни қоңырат Халхе өзінің Бабиор көліне құйған арада жүрді. Бұлардың да көбі өзбекке қосылып, өзбек атанған.
ҚАРА ҚЫРҒЫЗ
Орта жүзде аз ғана қырғыз бар, әр жерде. Олар тұтқыннан келгендер. Қырғыз тіпті ескі ел. Қырғыз дегенде қазақ деген сықылды кезбе, тағы деген соз. Қырғыздар Ғайса пайғамбардан бұрынғы 300 жылда Тану-ула мен Алатау арасында жүрген. Шыңғыс хан тұсында қырғыз ханы Арыс Айлан деген еді. Шыңғыс
хан — маған қарасын деп, Бура әм Тұрамыш дегенді елші қылып жіберіп, қырғыз ханы — қарадым деп, бір ақсұңқар күс бастатып, қаншама сый жіберді.
Әбілғазы хан сөзінше: қырғыз Оғызханның бір немересі еді. Қырғыз соның нәсілі дейді. Осы күнде қырғыздың көбі ескі орны Алатаудың күнбатыс тұмсығына жақын Сынтас асуынан Памирдің таулы жотасында. Олар оң-сол деп екі бөлінген. Рулары Бұғы, Сарбағыс, Сұлту, Шерек, Бағыш, Саяқ. Бұл алтауы оның Сағай дегенінің нәсілі. Аугене дегеннен Ауғана, Мұңғыш, Ешкілік. Мұның соңғы екеуі — біздің қыпшаң, арғын, найман қырғыз болғандар. Бергі заманда қазақ атанғаны болмаса, біздің қазақ та қырғыз нәсілінен.
