Umar Xayyom
Umar Xayyom haqida dunyo miqyosida ko'plab ilmiy va badiiy asarlar yaratilgan. Ularning mualliflari shoirni turlicha talqin qilishgan va ko'pchiligi uni dahriy, osiy inson sifatida tasvirlashgan. Buning isboti uchun esa ruboiylarini asos qilib olishgan. Ayniqsa, “Hujjatul Islom” nomini olgan buyuk ilohiyotchi olim Аbu Xomid G'azzoliyni, Umar Xayyomdek betakror shoir va olimga qarama-qarshi qo'yganliklari meni ko'p iztirobga solardi. Bu ikki zotning adovatga borib, mayda-chuyda narsalarga o'ralashib qolganliklariga mutlako ishongim kelmasdi. Ushbu asardagi mening asosiy «yangiligim» — Xayyom ila G'azzoliyni do'stlashtirdim, shoirning sheʼrlarini yangicha talqin etishga urindim. Chunki bu mening Xayyomim, mening tasavvurimdagi Xayyom! Uni qanday qabul qilish esa o'zingizga havola. Shunisi aniqki, dunyoda buyuk bir sirli oraliq mavjud. Bu oralikni hamma ham payqayvermaydi. Umar Xayyom ana o'sha oraliqni topa olgan. U osmon va zamin oraligida edi. Аsr va ming yillik oralig'ida edi. U xalqlar, millatlarning, dinlar va nihoyat, olam oralig'ida edi. Аql va qalb oralig'ida edi. Аmmo ishonamanki, Xayyom xudobexabar dahriy va mayparast bo'lmagan. U Xudoga yetishgan valiulloh edi. Qolaversa, u ham sizu biz kabi oddiygina inson bo'lgan va shunday yashagan. Аks holda, yoshi saksonga yetib, xufton namozini o'qiyotib, sajdada omonatini topshirmasdi…
Жас шектеулері: 12+
Түпнұсқа жарияланған күн: 2021
Басылым шыққан жыл: 2025
Баспа: Yangi Asr Avlodi
Қағаз беттер: 254
