автордың кітабын онлайн тегін оқу Көбелек
Отқа үшар көбелек,
Қарамай сорлы алды-артын.
Ойына кіріп-шықпайды,
Күйдірер деп от-жалын.
Шырқ айналып ентелеп,
Жүрер де, бір уақ ол қонар.
Ұмтылған оты сорлыны
Күйдірер де, тез тынар.
Қүрбылар, іске бет алсақ,
Ойламай қанат қақпалық.
Анау жарық — алтын деп,
Көрінгенге шаппалық!
Желмен кетсек, қанатты
Көбелектей күйерміз.
Алам деп алтын барғанда,
Күлден кебін киерміз.
