Asaxiy Books

«Питер Ҳопкирк қўл урадиган ҳар бир ҳикоя бутунлай ўзига жалб қилади»
— The Washington Post газетаси

Марказий Осиёнинг бугунги харитасини чизиб берган «Катта ўйин» ҳақида эшитганмисиз? Бу минтақадаги хонликларни ўзига вассал ва мустамлакага айлантириш учун икки қудратли империя — Чор Россияси ва Британия ўртасида кечган кураш «Катта ўйин»га асос бўлди. Ушбу китоб минтақада қарийб бир аср давом этган сиёсий ўйинлар, гилам ости дипломатияси, қонли жанглар ва катта ҳудудни ўз таъсири доирасига тушириш учун халқаро босим ҳақида қизиқарли тильда ҳикоя қилади. Ҳикоя бўлганда ҳам воқеаларни ўз кўзлари билан кўрган шоҳидларнинг ҳикоялари.
Геосиёсий бир ўйин тарзида кечган бу курашда томонлар ким кўпроқ ва каттароқ ҳудудни эгаллаш пайида эди. Чор Россияси Ҳиндистонга чиқиш, инглизлар тасарруфидаги ҳудудни ўзиники қилишни кўзласа, Британия империяси бунга гоҳ буфер давлатлар яратиш, гоҳ Ҳиндистон мулки чегараларини кенгайтириш орқали қарши туради. Россия ҳам инглизлар эгаллаб олмасидан бурун хонликларни ўз империясига қўшиб олишга ошиқади.

Буюк британиялик ёзувчи, тарихчи ва журналист Питер Ҳопкирк Марказий Осиё ва Кавказга бир неча бор хизмат сафари билан келган. У олиб борган тадқиқотларнинг катта қисми Британия кутубхонасининг Ҳиндистон ишлари бўйича архивида сақланади.
Ҳопкиркнинг «Катта ўйин: икки империя тўқнашуви» асари илк бор 1990 йилда чоп этилган.

Ушбу китобда машҳур миллиардер Илон Маскнинг онаси Мэй Маск ўзининг мураккаб, лекин мазмунли ҳаёти тўғрисида сўзлайди. Асарни ўқиб, Мэй Маск нақадар мустақил ва жасур аёл эканидан ҳайратланасиз. У ўзининг бой ҳаётий тажрибасидан келиб чиқиб, гўзаллик, соғлиқ, бахт ва фарзанд тарбияси сирларини биз билан баҳам кўради.

Савдо сайёрадаги ҳар бир инсонга таъсир қилади. Сотиш, кўндириш, савдолашиш ҳамда ишонтириш қобилиятлари ҳаётингизнинг барча жабҳаларида муҳим, ахир уларсиз яшаб қолиш қийин.

Лавозим ва унвонингиз, компания ёки жамоадаги ўрнингиздан қатъи назар, қачондир кимнидир ишонтиришга тўғри келади. Барча инсонлар ҳар куни сотиш билан шуғулланади. Ҳеч ким бундан мустасно эмас. Сотиш шунчаки касб ёки ҳунар эмас — у ҳар бир шахснинг тириклиги ва саломатлиги учун ўта аҳамиятли. Муваффақиятингиз ўзингиз ишонган нарсаларни бошқаларга сотиш кўникмангизга боғлиқ. Шунинг учун савдолашиш ва кўндиришни уддалашингиз керак. Ўзгаларга ёқиш, сизга ишлашлари ва манфаати тегиши учун таъсир ўтказиш турмуш даражангизни белгилайди. Сотиш шунчаки касб эмас — у ҳаёт тарзидир! Ушбу китобда савдо бўйича мутахассис Грант Кардон сотиш тамойилларини, ишонтириш ёки кўндириш усулларини ва савдонинг ҳаётимиздаги ўрнини кўрсатиб беради. У ҳатто иқтисодиёт ёмонлашган пайти ҳам сотишни, савдо рекордларини янгилашни кўрсатиб беради. Энг муҳими мижозни тушунишни, муаммосига мос ечим беришни ва рад жавоблар сонини камайтириш усулларини ўргатади.

Ушбу жозибали ва тушунарли китобда Грант Кардон ўзининг кўп йиллик тажрибаси ва билимларини ўртоқлашади. Китобхонларни савдо ва бизнесда муваффақият қозониш учун зарур бўлган кўникмалар ва стратегиялар билан таъминлайди.

Бу китоб замонавий жаҳон адабиётининг энг машҳур ёзувчиларидан бири, бутун дунё бўйлаб 300 миллиондан ортиқ нусхада китоб сотган Ден Брауннинг «Рақамли қалъа» романидир. Ушбу роман Ден Брауннинг илк романи бўлиб, асар шу заҳоти Ден Браунга бутун дунёга машҳурликни олиб келади. Бугунги кунда Ден Браун «New York Times» нашри томонидан бир неча бор дунёнинг энг машҳур 100 инсони сифатида эътироф этилган ва унинг асарлари доим дунёдаги янги бестселлерлар рўйхатида энг биринчи ўринларни эгаллаб келмоқда. Айни вақтда йиллик 156 миллион АҚШ доллари даромад билан, Ден Браун жаҳонда энг кўп даромад қиладиган ёзувчилардан бири ҳам ҳисобланади. Унинг бошқа бир «Да Винчи коди» номли асари ўзбек китобхонларига яхши таниш.

«Рақамли қалъа» романи адибнинг илк романи бўлиб, асар 1998 йилда ёзилган. Асарнинг ёзилишига Ден Браун ҳаётда ўзи гувоҳи бўлган воқеа сабаб бўлади. Ден Браун ўзи дарс берадиган Университетдаги талаба дўстига электрон почта орқали ҳазиллашиб АҚШ президентига суиқасд қилмоқчи эканлигини ёзганлигидан сўнг АҚШ «Миллий хавфсизлик агентлиги» ходимлари томонидан қўлга олинади. Миллий хавфсизлик агентлиги энг сирли агентликлардан бири бўлиб, унинг вазифаси фуқароларни кузатиб боришдир. Бу вазият уни қизиқтириб қўяди ва у электрон хавфсизлик ҳақида асар ёзишга қарор қилади. Уйига келиб асарни ёза бошлаган пайтда электрон почта орқали вирус келиб, компьютерининг қаттиқ диски куйиб қолади. Бундан хавотир олган Ден Браун «Миллий хавфсизлик агентлиги» ва ундаги довюрак разведкачилар ҳақида шов-шувли китобни чоп этади.

Асарда рақамли хавфсизлик, ватан хавфсизлиги йўлида ишлайдиган жасур шахсларнинг ҳаёти, улар учрайдиган хавф масалалари кўтарилган. Ушбу асарда ҳам ватанпарварлик, ҳам эҳтиросли севги, ҳам қизиқарли маълумотлар, ҳам сизни ўз дунёсига саёҳат қилдирадиган ажойиб сюжетни топасиз. Асар воқеалари АҚШ, Испания, Япония каби мамлакатлар ҳудудида ўтиши, воқеаларнинг тез ва кутилмаган ривожи сизни ўзига мафтун қилади.

Умид қиламизки, Ден Брауннинг содда ва қизиқарли ўзига хос реалистик услуби ўзбек китобхонларига маъқул келади.

Бу фоний дунё ҳаётини адолатли деб бўлмайди. Негаки, унда пул, ҳокимият, шон-шуҳрат ва омад одамларнинг барчасига тенг тақсимланган эмас. Нега айрим одамларнинг ҳамма нарсаси бор, бошқаларда эса ҳеч вақо йўқ? Омаднинг сабабларини фақат инсоннинг табиат инъом этган шахсий фазилатлари билан боғлаш тўғримикин?

Малкольм Гладуэлл ҳар доим мутлақо тасодиф ҳисоблаб келинган муваффақиятларнинг замирида ётган яширин қонуниятларни топган биринчи инсондир. Бу қонуниятлар нега аксарият буюк хоккейчилар фақат январда туғилганлигини ва ҳеч қачон октябрда туғилмаслигини, нима учун математикани осиёлик талабалар бошқалардан кўра осонроқ ўзлаштиришини, нега Нью-Йоркнинг энг обрўли адвокати бўлиш учун албатта яҳудий бўлиш лозимлигини тушунтириб беради. Бу китоб Билль Гейтс, «Битлз» ва Моцарт каби шахсларни нима боғлаб туришини ҳамда улар нега ўз тенгдошларидан ўзиб кетганлигини кўрсатади. «Зукколар ва Ландавурлар» — юқори даражадаги муваффақиятга ҳисса қўшадиган омилларни ўрганадиган ажойиб китоб. Муаллифнинг таъкидлашича, биз кўпинча имконият ва вазиятнинг ролига эмас, балки шахсий истеъдодга жуда кўп эътибор қаратамиз. Китобда берилган яна бир тушунча — бу «Метю эффекти». Бу бойлар бойиб боради, камбағаллар эса қашшоқлашади, деган фикр. Гладуэллнинг таъкидлашича, бу ҳодиса нафақат пулга, балки имкониятларга ҳам тегишли. Имтиёзли шароитларда туғилганлар муваффақиятга эришиш учун зарур имкониятларга эга бўлиш эҳтимоли кўпроқ бўлар экан. Зукколар ва Ландавурлар — бу муваффақият ҳақидаги анъанавий тушунчамизни шубҳа остига қўядиган ўйлантирувчи китоб. Катта ютуқларга ҳисса қўшадиган омилларни тушунишга қизиққан ҳар бир киши ўқиши фойдали бўлади. «Зукколар ва ландавурлар» — «қандай қилиб муваффақиятли инсон бўлиш» бўйича қўлланма эмас. Бу сиз фойдаланишингиз мумкин бўлган ҳаёт қонуниятлари оламига завқли бир саёҳатдир. Китоб неча йил давомида «New York Times» ва «Amazon» бестселлерлари рўйхатидан тушмаган ушбу китобни кўплаб мутахассислар муваффақият ҳақидаги энг жиддий китоб деб талқин этишган. У тушунарли, аниқ, маълумотга бой ва қизиқарли тарзда ёзилгани сабаб кўплаб китобхонларга манзур бўлади.

Китоб талабаларга, ўқитувчиларга, ўқувчиларга, тадбиркорларга, умуман муваффақият қонунларини кашф этиш, ўз ишида профессионал бўлишни, бирор бир соҳани ўрганишни хоҳлайдиганларга тавсия этилади.

Дунёда ҳар йили 4 миллиондан ортиқ одам сигарет чекиши туфайли вафот этади. Бу гиёҳвандликдан ўладиганлар ва ҳатто урушларда ҳалок бўладиганлар сонидан ҳам бир неча баробар кўп. Шунга қарамай, нега кашандалар — ўсмирлардан тортиб қарияларгача — била туриб бу зарарли одатни ташлай олмайди?

Бунинг сабаби тана никотинга қарам бўлиб қолади, деб ўйлаётгандирсиз. Йўқ, кашандалик жисмоний эмас, балки психологик тобелик. Китобни ўқиш давомида кашандаликдан қутулишнинг осон йўлини амалда синаб кўринг. Аллен Каррнинг қўлланмаси қуруқ қўрқитиш ва тарғибот эмас, балки йиллар давомида синалган самарали маслаҳатлардан иборат. Улар ёрдамида миллионлаб одамлар чекишни ташламоқда ва бу сизнинг ҳам қўлингиздан келади! Чекишни ташлаш ўйлаганингиздан кўра осонроқ. Ишонмаяпсизми? Унда Аллен Каррнинг ушбу китобини ўқиб кўринг ва бунга ўзингиз амин бўласиз.

«Кашандаликдан қутулишнинг осон йўли» — бу инсонларга чекишни бутун умрга ташлашнинг синалган усулларини берувчи китобдир. Китоб муаллифи Аллен Карр бугунгача 50 миллион инсоннинг чекишни қийинчиликсиз ташлашига сабаб бўлган.

• Ишдан бўшаш учун янги ходимларга катта пул таклиф қилинг

• Мижозларга хизмат кўрсатишни фақат бир бўлим эмас, балки бутун компания масъулиятига айлантиринг

• №1 устувор вазифа сифатида корпоратив маданиятига эътибор қаратинг

• Бизнесни юритишда бахт илмидан олинган тадқиқотларни қўлланг

• Ходимларга шахсий ва касбий жиҳатдан ўсишига ёрдам беринг

• Дунёни ўзгартиришга интилинг

• Ва пул ишланг. . .

Ғайритабиий эшитиляптими? Бу ҳар йили 1 миллиард доллардан ортиқ ялпи товар сотувини амалга оширувчи онлайн-ритейлер Zappos'даги стандарт иш тартиби. 2009 йилда Fortune журналининг йиллик «Ишлаш учун энг яхши компаниялар» рўйхатида энг юқори ўринни эгаллагандан сўнг Zappos Amazon томонидан ёпилиш кунида қиймати 1,2 миллиард доллардан ортиқ бўлган шартнома асосида сотиб олинди.

«Бахт етказиш» асарида Zappos бош директори Тони Шей LinkExchange, Zappos ва бошқалар орқали чувалчанг етиштириш фермасидан тортиб пизза бизнесини юритишгача бўлган бизнес ва ҳаётда олган турли сабоқлари билан ўртоқлашади. Бир нафасда ўқиб чиқиладиган ушбу китоб корпоратив маданият муваффақият калити эканлиги, атрофингиздаги инсонларга бахт улашиш орқали янада бахтлироқ бўлишингиз мумкинлигини кўрсатади. Китоб «New York Times» ҳамда «Wall Street Journal»нинг бестселлер асарлар рўйхатидан жой олган.

“Озор берма” китоби мия жарроҳлиги ортидаги нозик инсонийликни очиб беришга журъат этади. Ҳар бир ҳикоя ўқувчиларни нейрожарроҳнинг шахсий фикрларига чорлайди ва уларни операция хонасида зарур бўлган зиддиятли ҳамдардлик билан ҳайратда қолдиради."
— Майкл Пол Мейсон, муаллиф.

«Ушбу мулоҳазали шифокор нейрожарроҳликнинг элита оламига ўта шахсий ва жозибали кўриниш беради, унинг ажойиб муваффақиятлари билан бир қаторда даҳшатли муваффақиятсизликларини ҳам баҳолайди.»
― Publishers Weekly

"Ўзининг ҳамкасблари Жером Гроопман ва Атул Гаванденинг иши сингари, “Озор берма” китоби шифокорлар ҳаёти ва улар дуч келадиган қийинчиликлар ҳақида маълумот беради, чунки биз катта умид билан ҳаётимизни уларнинг қўлларига топширамиз."
— The Washington Post

«Операция хонасига нейрожарроҳнинг кўзи билан қарашнинг ўзига хос ҳаяжонини инкор этиб бўлмайди ва доктор Марш кўплаб шифохона драмаларини тақдим этади. Шунга қарамай, линзалар айланиб, тасвир доираси кенгайиб бораётган лаҳзалар сизни ҳайратда қолдиради ва сиз нейрохирургиянинг майда-чуйдаларини ўрганиб, ҳаётнинг ўзи ҳақида тушунчага эга бўлаётганингизни тушунасиз».
— The Wall Street Journal

«Тиббиётдаги ҳаёт ҳақидаги энг яхши китоблардан бири, “Озор берма” шифокор бўлишнинг оғриқли имтиёзини дадил ва чиройли тарзда очиб беради.»
― Booklist

Иқтисодий танглик инсонлар феъл-атворини қай даражада ўзгартиради?

Умуман, инсонийлик чегараси қаерда бошланадию, қаерда тугайди?

Флорида штатида яшовчи оддий балиқчи Ҳарри Морганнинг ҳаётида содир бўлган воқеаларга асосланган ушбу асарда айнан шу саволларга жавоб изланади. Иқтисодий кучлар қора бозор ҳаммолига айлантирган асар қаҳрамонининг ҳаёти йил фасллари каби ўзгаришларга бой. Бироқ, кейинги йиллар унинг ҳаётига бахтли якун бера олармикин?… Эрнест Хемингуэйнинг 1957 йилда ёзилган “Тўқчилик ва йўқчилик” романи мана шу ҳақда.

Эрнест Хемингуэйнинг “Тўқчилик ва йўқчилик” романи Буюк Депрессия даврининг умидсизлигини акс эттирувчи кучли ва шиддатли романдир. Китоб кун кечириш учун контрабанда билан шуғулланишга мажбур бўлган чартер кема капитани Ҳарри Морган ҳақида ҳикоя қилади. Ҳарри мағрур ва меҳнаткаш инсон, лекин у ҳам ўз даврининг қурбонидир. У Америка орзусидан ҳафсаласи пир бўлган ва дунёни фақат бойларгина завқланиб яшаши мумкин бўлган жой деб билади.Хемингуэйнинг кескин насри ва таъсирчан таърифлари Ҳарри дунёсини жонлантиради. Китобхон Ҳаррининг қайиғида қуёш тафтини ҳис қилади, шўр ҳаводан ҳидлайди ва тўлқинларнинг қирғоққа урилишини эшитади.

“Тўқчилик ва йўқчилик” — бу табақанинг табиати, қашшоқлик ва Америка орзуси ҳақидаги муҳим саволларни кўтарадиган мураккаб ва ўйлантирувчи роман. Бу китоб ҳам абадий, ҳам долзарб бўлиб, турли авлод вакиллар ўқиб ўзлари учун керакли хулосани олишлари мумкин.

Бу китоб замонавий жаҳон адабиётининг энг машҳур ёзувчиларидан бири, бутун дунё бўйлаб 300 миллиондан ортиқ нусхада китоб сотган Ден Брауннинг «Рақамли қалъа» романидир. Ушбу роман Ден Брауннинг илк романи бўлиб, асар шу заҳоти Ден Браунга бутун дунёга машҳурликни олиб келади. Бугунги кунда Ден Браун «New York Times» нашри томонидан бир неча бор дунёнинг энг машҳур 100 инсони сифатида эътироф этилган ва унинг асарлари доим дунёдаги янги бестселлерлар рўйхатида энг биринчи ўринларни эгаллаб келмоқда. Айни вақтда йиллик 156 миллион АҚШ доллари даромад билан, Ден Браун жаҳонда энг кўп даромад қиладиган ёзувчилардан бири ҳам ҳисобланади. Унинг бошқа бир «Да Винчи коди» номли асари ўзбек китобхонларига яхши таниш.

«Рақамли қалъа» романи адибнинг илк романи бўлиб, асар 1998 йилда ёзилган. Асарнинг ёзилишига Ден Браун ҳаётда ўзи гувоҳи бўлган воқеа сабаб бўлади. Ден Браун ўзи дарс берадиган Университетдаги талаба дўстига электрон почта орқали ҳазиллашиб АҚШ президентига суиқасд қилмоқчи эканлигини ёзганлигидан сўнг АҚШ «Миллий хавфсизлик агентлиги» ходимлари томонидан қўлга олинади. Миллий хавфсизлик агентлиги энг сирли агентликлардан бири бўлиб, унинг вазифаси фуқароларни кузатиб боришдир. Бу вазият уни қизиқтириб қўяди ва у электрон хавфсизлик ҳақида асар ёзишга қарор қилади. Уйига келиб асарни ёза бошлаган пайтда электрон почта орқали вирус келиб, компьютерининг қаттиқ диски куйиб қолади. Бундан хавотир олган Ден Браун «Миллий хавфсизлик агентлиги» ва ундаги довюрак разведкачилар ҳақида шов-шувли китобни чоп этади.

Асарда рақамли хавфсизлик, ватан хавфсизлиги йўлида ишлайдиган жасур шахсларнинг ҳаёти, улар учрайдиган хавф масалалари кўтарилган. Ушбу асарда ҳам ватанпарварлик, ҳам эҳтиросли севги, ҳам қизиқарли маълумотлар, ҳам сизни ўз дунёсига саёҳат қилдирадиган ажойиб сюжетни топасиз. Асар воқеалари АҚШ, Испания, Япония каби мамлакатлар ҳудудида ўтиши, воқеаларнинг тез ва кутилмаган ривожи сизни ўзига мафтун қилади.

Умид қиламизки, Ден Брауннинг содда ва қизиқарли ўзига хос реалистик услуби ўзбек китобхонларига маъқул келади.

Агар биз ундан тўғри фойдалана олсак, бизда ҳамиша етарлича вақт топилади.
«Самарадорликнинг 21 йўли» — Браян Трейси

Агар сизда :

— Режалаган ишларингизга етарли вақт топилмаётган;
— Шахсий мажбуриятлар, лойиҳалар, вақт ортса, ўқийман деганингиз талай журнал ва китоблар юки босиб қолган. Бироқ сиз уларга улгурмаётган. Ишларингизни тўлиқ адо этишга умид ҳам қилмаётган;
— Кўнглингиздагидек дам олишга вақт орттира олмаётган;
— Ишларингизни самарали йўлга қўйиш усулларини ҳар қанча ўрганманг, режалаган юмушларингиз ортиб, барибир вақт етмай қолаётган бўлса, ушбу китоб айнан сиз учун!

Китоб вақтни тўғри тақсимлаш, иш ёки ўқиш жараёнини ташкиллаштириш, ҳаёт тарзини ўзгартириш, натижада қандай қилиб самарадорликка эришиш ҳақида назариядан узоқ, аниқ маълумот ва қўлланмаларни беради.

Китоб талабалар, тадбиркорлар, ишчилар, раҳбарлар, куни ва вақтини тартибни солишни хоҳлайдиган ҳатто уй бекаларига ҳам тавсия қилинади.

Time, The Washington Post, Smithsonian Magazine, Amazon, BookPage, Science News, Bloomberg томонидан энг яхши китоблардан бири сифатида тан олинган илмий-оммабоп китобни кутиб олинг. Сизни 736 бетлик илм-фан дунёсига қизиқарли ва ҳаяжонли саёҳат кутмоқда.
• Ген таҳрирлаш ҳаётимизда нималарни ўзгартиради?
• Нобел мукофоти қандай қўлга киритилади?
• Буюк олим тарбиялаш қанчалик осон?
• АҚШда илмий муҳит қанақа, олимлар ва лабораториялар ўртасида рақобатчи?
• Генетика қанчалик катта ютуқларга эришди?
1953 йил ДНК структураси кашф этилгач, ер юзидаги барча жонзотларнинг ҳаёт коди маълум бўлди. Бу мисли кўрилмаган кашфиёт эди. Галдаги қадам ана шу кодни ўзимиз ёза олишимиз, уни бузиб, қайта таҳрирлашни ўрганиш эди. Ҳаёт кодини қайта ёза олсак, биз нафақат турли туғма генетик касалликлардан ва саратондан халос бўлишимиз, балки танамизни исталган шаклда — рангимиз, мушакларимиз ҳажми, касалликка қарши иммунитетимизни ўзимиз истаган томонга ўзгартиришимиз мумкин бўларди. Уолтер Айзексон генетик кодни бузишга катта ҳисса қўшган олим, Нобел мукофоти лауреати Женнифер Дауднанинг фаолияти, тадқиқотлари ҳақида ҳикоя қилар экан, шу баҳонада ген муҳандислиги вужудга келиши жараёнидаги мураккабликлар, ахлоқий масалалар, олимлар ўртасидаги рақобатлар, илмий кашфиёт ва ихтиролар қандай қилинишини ўқувчига қизиқарли шаклда сўзлаб беради.

Леонардо да Винчи ва Стив Жобснинг муаллифи Нобел мукофоти совриндори Женнифер Даудна ва унинг ҳамкасблари касалликларни даволаш, вируслардан ҳимоя қилиш ва соғломроқ чақалоқларга эга бўлиш имконини берадиган инқилобни қандай бошлагани ҳақидаги жозибали ҳикояси билан қайтди.

Чернобиль таваллоси — бу Светлана Алексиевичнинг китоби бўлиб, Чернобиль фожиаси ҳақида огоҳлантирилмагани туфайли ҳодисанинг беайб қурбонига айланган белорусларнинг бошдан кечирганлари ҳақида ҳикоя қилади. Алексиеевич юзлаб одамлар, жумладан ўт ўчирувчилар, сиёсатчилар, шифокорлар, физиклар ва оддий фуқаролар билан суҳбатлашди ҳамда уларнинг ҳикоялари фалокат инсоният учун қанчалик қимматга тушганини очиб берди. Китоб инсон руҳиятининг, иродасининг мустаҳкамлигидан кучли ва таъсирчан далолатдир. Бу, шунингдек, ядровий энергия хавфи ҳақида огоҳлантирувчи ҳикоя ҳамдир.

2017 йил чоп этилиб бутун дунё бўйлаб жуда кўплаб шов-шув ва жиддий баҳс-мунозараларга сабаб бўлган, «Да Винчи сири» асари муаллифи Ден Брауннинг яна бир машҳур романи энди ўзбек тилида!!! «Биз қаердан пайдо бўлганмиз?» «Келажакда бизни нима кутмоқда?» Бу саволлар олимлар ва турли эътиқоддагиларнинг баҳсларига сабаб бўлган. Профессор Роберт Ленгдон ўз шогирди, ёш футуролог Эдмонд Киршнинг таклифи билан Испанияга боради ва унинг тақдимотида ушбу саволларга жавоб берилишидан хабар топади. Аммо у жавобни эшитишга улгурмайди, ҳаммаси чаппасига айланиб кетади… Илк бор ўзбек тилида тақдим этилаётган ушбу асар қаҳрамонлари дин ва фан ўртасидаги азалий баҳс моҳиятини очиб беришга ҳаракат қилади. Бу асар 2017 йил октябрь ойида АҚШда чоп этилишига қарамай, 2 ой ичида дунёнинг 30дан ортиқ тилига таржима қилинди ва дунё бестселлерлари сирасига кирган ҳисобланади.

«Ибтидо» — америкалик муаллиф Ден Браун қаламига мансуб триллер асар бўлиб, Роберт Ленгдон сериясида «Инферно»дан кейинги бешинчи китоб ҳисобланади. Асар воқеалари асосан Испанияда, қисман Дубай ва Будапештда юз беради. 2018 йил Август ойида асар «New York Times»нинг энг яхши сотилган китоблар рўйхатидан биринчи ўринни эгаллаган.

«Ажиб янги дунё» инглиз ёзувчиси Олдос Ҳакслининг 1931 йилда ёзилиб, 1932 йилда нашр этилган, дистопик, ижтимоий-фантастик романидир. У фуқаролари ақл-идрокка суянувчи, ижтимоий иерархия тартиботи қарор топган футуристик бутунжаҳон мамлакати тўғрисида ҳикоя қилади. Унда репродуктив технологиялар, уйқудаги таълим, руҳиятга таъсир ва шартли рефлексларни шакллантириш соҳаларидаги улкан ютуқлар ёрдамида антиутопик жамият яратилади. Бу жамиятга биргина инсон — асарнинг бош қаҳрамони қарши чиқади.

Олдос Ҳакслининг жаҳон адабиётида чуқур аҳамият касб этган шоҳ асари «Ажиб янги дунё»да тенгсизлик ҳукм сурувчи, технологик ривожланган келажакни тафтиш қилади. Бу мамлакатда одамлар авторитар бошқарув тизимига хайрихоҳ бўлиши учун генетик йўл билан кўпайтирилади, ижтимоий жиҳатдан мослаштирилади ҳамда фармацевтик йўл билан кучсизлантирилади. Буларнинг бари инсонни эрки, одамийлик қиёфаси ва, эҳтимол, қалбидан маҳрум қилади.

Беназир истеъдод эгаси бўлган Ҳаксли бир вақтнинг ўзида ҳам санъаткор, ҳам руҳшунос, ҳам инсон табиати ва тараққиётининг энг ёрқин тафтишчиларидан бири эди. Унинг дурдона асари — «Ажиб янги дунё» миллионлаб ўқувчиларни ҳайрат ва ваҳимага солди, бизни огоҳлантирувчи, ўйга толдирувчи ажойиб бадиий асар ўлароқ, бугунги кунгача ўз аҳамиятини йўқотмади.

1930 йилги фашизм булутлари сояси остида ёзилган ушбу асар нафақат ўша давр жамиятларига, балки оммавий кўнгилхушлик, технология, тиббиёт, фармацевтика, кўндириш санъати ва элитанинг яширин таъсири ҳукмронлик қилаётган XXI аср дунёсига ҳам мурожаат қилади.

Нима маҳсулот ёки ғояни машҳур қилади? Агар сиз реклама деган бўлсангиз, қайта ўйлаб кўринг. Одамлар рекламани тингламайди, тенгдошларини тинглайди. Лекин маҳсулот ва ғояларнинг тилга тушиши ва оммалашуви сабаби нимада? Нега баъзи маълумотларни одамлар бир-бирига улашади? Нима учун айрим миш-мишлар эпидемик хусусиятга эга? Ғоялар қандай омиллар туфайли «вирус» каби кенг тарқалади? Нима учун баъзи мавзулар ҳақида кўпроқ суҳбатлашамиз ва унга оид маълумотларни бошқаларга улашамиз? «Юқумлилик» асарида Бергер оғиздан-оғизга ва ижтимоий узатиш ортидаги сирли илмни очиб беради. Олтита асосий тамойил истеъмол маҳсулотлари ва сиёсат ташаббусларидан тортиб, иш жойидаги миш-мишлар ва YouTube видеоларигача бўлган ҳар хил нарсаларни юқумли ҳолга келтиришини билиб олинг. Қандай қилиб ҳашаматли стейкхаус машҳур бўлмаган пишлоқли стейк орқали машҳурликка эришганини, нега гиёҳвандликка қарши реклама роликлари аслида гиёҳванд моддаларни истеъмол қилишни кўпайтирганини ва нима учун 200 миллиондан ортиқ истеъмолчилар энг зерикарли маҳсулотлардан бири: блендер ҳақидаги видеони яқинлари билан баҳам кўришини билиб олинг. «Юқумлилик» китоби маълумотларнинг тарқалишига ёрдам бериш учун — одамлар баҳам кўрадиган хабарлар, рекламалар ва контентни лойиҳалаш учун махсус, ишлатишга яроқли усулларни тақдим этади. Сиз катта компания менежери бўласизми, бренд хабардорлигини оширишга ҳаракат қилаётган кичик бизнес эгасимисиз, лавозимга номзод бўлган сиёсатчимисиз ёки соғлиқни сақлаш ходими бўласизми, «Юқумлилик» сизга маҳсулот ёки ғоянгизни қандай оммалаштиришни кўрсатиб беради.

Ажойиб ва қизиқарли ёзилган «Мамлакатлар таназзули сабаблари» асари асрлар давомида мутахассисларни ҳайратда қолдирган саволга ишончли ва изчил асосланган янги назария билан жавоб беради: Нега баъзи мамлакатлар бой ва бошқалар камбағал, бойлик ва қашшоқлик, соғлиқ ва касаллик, озиқ-овқат ва очарчилик бўйича бўлинган?

Бу маданият, иқлим ёки географиями? Эҳтимол, тўғри сиёсат нима эканлигини билмасликдир?

Шунчаки, йўқ. Бу омилларнинг ҳеч бири аниқ ёки тақдир эмас. Акс ҳолда, Африканинг бошқа давлатлари, масалан, Зимбабве, Конго, Серра-Леоне қашшоқлик ва зўравонлик ботқоғига ботган бир пайтда Ботсвана дунёнинг энг тез ривожланаётган давлатларидан бирига айланганини қандай изоҳлаш мумкин?

Коррупцияга қарши қандай курашиш мумкин?

• Бутун мамлакатни электр ва газ билан узлуксиз таъминлашнинг иложи борми ўзи?

Одатда, коррупцияни батамом йўқотиш мушкуллигини кўп таъкидлайдилар.

Аммо Михаил Саакашвили бунинг уддасидан чиқди ва Грузияда жуда қисқа муддатда коррупцияни етарли даражада кескин камайтирди, бюрократия ва ортиқча оворагарчиликларга барҳам берди, мамлакат иқтисодининг сезиларли даражада ўсишига замин яратди. Иқтисодчи Лариса Буракованинг ушбу китобида мана шу ислоҳотларга батафсил изоҳ берилган. Нашр муаллифнинг икки йиллик кузатувлари маҳсули бўлиб, илк бор рус тилида 2011 йилда чоп этилган.

Barbara Ouklining “Raqamlar uchun yaralgan idrok” kitobida aniq va tabiiy fanlarni oʻrganishning samarali usullari keltirilgan. Turli hiylalar, masala yechish, tahlil va yodlashning noodatiy usullari bizga qoʻl kelishi hamda fanlarga qiziqishimizni oshirishi shubhasiz. Kitobni oʻqib, biz miyamizdagi neyronlar tarmogʻining chinakam egasi boʻlishga oʻrganamiz, shuningdek, miya ikkita rejimda ishlashi, chalgʻib turish foydalari hamda tasavvur kuchi haqida bilib olamiz.

Бизнес фақат тадбиркорни бой қиладими? Давлат ва жамият фаровонлигида унинг ўрни қанчалик муҳим? Кейин пайтда ўзбек тилида ҳам тадбиркорлик ва бизнес ҳақидаги китоблар, мотивация бериш кўзланган бизнес-тренинглар анча кўпайди. Лекин улар кўпроқ умумий-назарий билим бериш билан чекланади. Фируз Аллаев «Тадбиркор» номли китобида мавзуни содда тилда, таниқли тадбиркорлар ҳаётидан олинган ва ўз тажрибасида дуч келган амалий мисоллар ёрдамида тушунтириб берган. Китобдан муаллифнинг соҳани янада ривожлантиришга доир таклиф ва мулоҳазалари, юқоридаги саволларга жавоблари ҳам ўрин олган.