Сергек сана: ойыңды өзгертсең, өмірің де өзгереді
Ми қалай істейді? Миллиондаған адамдардың өмірін өзгертуге көмектескен бестселлер
Бұл — өзіне-өзі ие болғысы келетіндерге арналған еңбектердің ішіндегі елді елең еткізген № 1 кітап. Әсілі, өмірдің тартқанына, тағдырдың салғанына көніп жүре берудің еш мәнісі де, қажеттілігі де жоқ, өйткені біз кез келген сәтте өмірімізді өзгерте аламыз. Міне, осы орайда, миды жетілдіру бойынша әлемдік бестселлер кітаптардың авторы, нейрохимия және нейробиология профессоры, доктор Джо Диспенза өмірді өзгертудің ғылыми тәсілін ұсынады. Оның бірегей бағдарламасы төрт апталық мерзімге шақталған. Осы уақыт ішінде бұл бағдарлама қалағаныңызға жетудің жолы ретінде ішкі жан дүниеңізге үңіліп, көкірек көзін ашудың жөн-жосығына үйретеді — сіз тек өміріңізде нақты нені өзгерткіңіз келетінін шешсеңіз болғаны. Ақылды, мазмұнды және алған біліміңізді іс жүзінде қолдануға машықтандыратын материалға толы бұл кітап сізге эмоциялар тұтқынынан азат болып, деніңіз сауығып, бағыңыз ашылып, өміріңізді құтқа толтыруға септеседі. Доктор Диспензаның әдістемесін пайдаланған әрбір жан осыған күш-қайратын сарп еткеніне еш өкінбейді. Д. Диспенза осы еңбегінде көкіректің қалай «жұмыс істейтінін» ұғынықты түсіндіріп, мидың құрылымы туралы ұғымыңызды өзгертеді, көкірек түкпіріне үңіліп, оны компьютер сияқты қайта бағдарлауға үйретеді, тиімді медитация техникаларын ашып көрсеткен.
Дәйексөздер154
Кез келген өзгеріс бастан келеді: әрбір жаңа оймен бірге мида жаңа нейронды байланыстар мен нейронды тізбектер түзіледі. Ал миға ең күшті ықпал ететін түрткі — үйрену, яғни жаңа мағлұмат пен әсерлерді меңгеру.
«Миыңызды жетілдіріңіз: ми өзгерісіне ғылыми көзқарас» атты бірінші кітабым оқырмандар көзайымына айналды,
