автордың кітабын онлайн тегін оқу Түймеш
ТҮЙМЕШ
Г.Х. АНДЕРСЕН
Алматы, 2021
Орыс тілінен аударған: Серік Ерғали
Г.Х.Андерсен
Түймеш. Алматы: «Алтын сақа» баспасы, 2021. – 20 б.
ISBN 978-601-211-033-3
Г.Х.Андерсеннің бұл ертегісі қаншама елге, көптеген ұрпаққа танымал. Балаларды ізгілікке, достыққа шақыратын бұл ертегіде оқиғалар шиеленісе өрбіп, жас оқырмандарды қызықтыра түседі. Ертегі алты жастан асқан ұл-қыздарға, жалпы жас оқырманға арналған.
ISBN 978-601-211-033-3
«Алтын сақа» баспасы, 2021
Түймеш
Ерте, ерте, ертеде бір әйел болыпты; ол бала асырап алғысы келді, бірақ оны қайдан алсын? Сөйтіп, ол тәуіп кемпірге барып былай деді:
– Менің бала асырап алғым келеді; баланы қайдан тапсам екен?
– Сол да сөз бе?! – деді тәуіп. – Мә, саған арпаның дәні; бірақ бұл жай ғана дән емес, егетін де, тауыққа шашатын да емес; мұны гүл құмыраға егесің, сосын көресің не боларын!
– Рақмет! – деді де, әйел тәуіпке он екі мәнет берді; үйіне барып әйел арпа дәнін гүл құмыраға егіп еді, сол бойда қызғалдаққа ұқсас үлкен әсем гүл өсіп шыға келді, бірақ ол әлі шешек атпаған күйі бүрісіп тұрған еді.
– Қандай керемет гүл десеңші! – деді де, ә
