Салт-дәстүр сөйлейді
Қазақ ырымдар нені білдіреді? Ұлттық салт-дәстүрлер туралы әңгімелер
Кітапта Түркі-Ислам өркениетінде қалыптасқан қазақтың салт-дәстүр, әдет-ғұрпы сипатталады. Қазақ ырым-тыйымдарында «Не үшін?», «Неге?», «Не себепті?» деген сұрақтарға жауап беретін аңыздар жинақталды. Бұл аңыздарды 1920 жылдан бастап большевиктер жойып жіберген еді. Кітап 2014 жылы жарық көрді. Авторлар архивте сақталған қолжазбалардан іздеп, қариялардың аузынан жазып алып, мазмұнын мектеп оқушысының тіліне лайықтап әзірледі. Соңғы жүз жылда басы бірікпей, шаң тозаңдай болып шашырап кеткен барлық аңыз-қиссалардың логикалық жүйесін жасап, тұтас бір дәуірдің жойылып кеткен мәдениетін қайта сомдап шыққан.
Кітаптың басқа нұсқалары1
Салт-дәстүр сөйлейді
·
Пікірлер21
👍Ұсынамын
“Салт-дәстүрлер сөйлейді” — бүгінгі күнде еліміз үшін баға жетпес қазыналардың бірі де бірегейі. Қазақы дүниетанымды салт-дәстүр, ырым-сенім тұрғысынан саралап, мән-мағынасын айшықтайды. Ересек адам ретінде отбасы құрған кезіңде қандай күйеу болуың керек, қандай әке болуың, өмір бойыңда қандай тұлға болуың керек, осындай сұрақтарға да көңіл бөледі. Мораль айту, үгіттеу, бұйыру, талап ету бұл кітапта жоқ. Тек түсіндіру және таңдау еркін өзіңе қалдыру ғана бар. Ерінбей оқып шығыңыз!
👍Ұсынамын
🔮Қазыналы
💡Танымдық
🎯Пайдалы
🚀Көз ала алмайсың
Әр қазақ оқуы тиіс!!!
Дәйексөздер481
«Мифті рационалды жолмен танып білу – қате. Аңыздарда жасырылған ақиқат сырларды сурет өнері, поэзия, мүсін өнері, музыка сияқты жүрекпен ғана сезіне аласың.
Бас екеу болмай, мал екеу болмайды. Бас құралмай, мал құралмайды. Бірінші байлық – денсаулық, екінші байлық – ақ жаулық, үшінші байлық – он саулық. Ер – елдің иесі, әйел – үйдің киесі дейді.
