Кітапта Қожа Ахмет Яссауи жайлы тың қисса-аңыздар енгізілген. Хикметтері экзистенциялық формада жаңаша талданады. Ислам мен түркі мәдениетінің өзара синтезге түсіп, Түркі-Ислам өркениетінің қалыптасу жолдары баяндалады. Кітап 2017 жылы жарық көрді. Яссауи ілімі мен дүниетанымы жайлы толғанады. Тәуелсіз Қазақстанның 31 жылдағы әлеуметтік-рухани саласына экзистенциялық талдау жасалады.
«Маһшарда Құдай тағала қажы, молда, сопы, жомарт, шейіт – соларды қатар қойып, сұрар дейді. Дүниеде ғиззат үшін, сый-құрмет алмақ үшін қажы болғанды, молда болғанды, сопы болғанды, жомарт болғанды, шейіт болғанды бір бөлек қояр дейді. Ақиретке бола, бір ғана құдай тағаланың разылығын таппақ үшін болғандарды бір бөлек қояр дейді. Дүние үшін болғандарға айтар дейді: «Сендер дүниеде қажеке, молдеке, сопеке, мырзеке, батыреке аталмақ үшін өнер қылып едіңдер, ол дүниең мұнда жоқ. Сендердің ол қызықты дүниең харап болған. Сонымен қылған өнерлерің де бітті. Енді мұнда құрмет алмақ түгіл, сұрау беріңдер! Мал бердім, өмір бердім, не үшін сол малдарыңды, өмірлеріңді, бетіңе ақиретті ұстап, дін ниетің дүниеде тұрып, жұртты алдамақ үшін сарып қылдыңдар?»
«Баба дүниедегі барды, адамшылық арды не бұзады? Күнәні не түзетеді?» дегенімде, «Шырағым, Қазыбекжан, «ӘКМ» деген сөз арабша үш қана әріпті, екі рет айтса, алты сөзді құрайды. Сол алтауы: алтын мен әйел, кек пен кежір, мақтан мен мансап.
Қазақта «шайнап берген ас болмас» деген мақал бар. Ислам діні – парыз ғана емес, ілім. Ілімді адам өзі дамытып, өрбітіп отыру керек. Өрбімеген, дамымаған ілім тұрып қалған су секілді адамды өзінен жиіркендіреді. Пайғамбарымның айтқан сөзі бар: «Бесіктен бейітке дейін оқы» деп. Діннің жауы – надан, тас ми молдалар
