автордың кітабын онлайн тегін оқу  Вечар гас

Кляшторны Тодар

Тодар Кляшторны

Вечар гас ...

* * *

Вечар гас...

Драмалі сьветацені.

У туманох дарогі замяло...

I нібыта

Залатыя елі

Месяцу хіліліся чалом.

Ўсё цьвіло,

Жыло і гаманіла, 

Кожны куст аб жыцьці гаварыў...

Ты прайшла

I голаў не схіліла, –

Не схіліла гордай галавы...

I нібыта

Сэрца забалела, 

Быццам нешта

Выплыла, як дым...

Але што ж?!

Каханьне дагарэла,

 Але што ж?!

Ідзі сабе з другім...

Пройдзе день,

 I заквітнее раньне.

Ад зары

Засерабрыцца гай...

У цябе

Ня першае каханьне, 

У мяне

Не прадапошні май.

Менск, 15.V.1927 г.