Дайындаған: Елмұрат Ораз

 

«Шабыт» баспасы

Алматы, 2022

Бөкен жарзақ

Шертуші еді бабамыз

Бебеулетіп бір күйді.

Күйден көп сыр табасыз,

Білсең өмір-айдынды.

Бебеулейтін атқақтап,

Сыңғырлайтын аспандап.

Мың құбылған шертпе күй

Ерітетін ойды асқақтап.

Қатпары көп өмірге,

10 Сүңгіп ұшқыр көңілге.

Ирек жолды тарихтың

Бұлт шұбыртып көгінде.

Ағып келіп қиырдан,

Айдын көлге құйылған

Көп өзендей өмірдің

Сыры күйге жиылған.

Сыбызғыдан сырғанап,

Төгілсе күй бір ғажап.

Бойды билеп, ойды алар

20 Күй толқыны тулап-ақ.

Арманның ақ сұңқары

Болып шарлап жырларды,

Жігіт мұңын, қыз зарын

Бүгінгіге жалғайды.

Қыздың мұңы зарланған,

Көзден жасы парланған.

Бебеулейді, өксиді,

Шыңырауға айналған.

Қобыз үні жарасқан,

30 Қуысталған ағаштан.

Ондағы жүрек қылынан

Үшқан күй мен қанатты ән.

Төрт тесікпен оюлап,

Жіппен орап, қиюлап,

Өңішіме

...