Дайындаған: Елмұрат Ораз

 

«Шабыт» баспасы

Алматы, 2022

Берлібек пен Шаһизат

Өмірде қайғы жаман қиялдаған,

Адам бар ел ішіне сия алмаған.

Айта алмай қасіретін аузын ашып,

Қан жұтып, шемен байлап, ұяңдаған.

Адам бар ісіп-кеуіп қияндаған,

Жоқты іздеп, барды жөндеп жия алмаған.

Бойына әмір мансап бола кетсе,

Нәпсіні өрт қаулаған тия алмаған.

Қан ақса бір ұртынан, бір ұрты жын,

10 Мойнына сайтан мініп бұраңдаған.

Өзгені өз алдына қоя тұршы,

Баласы өз баурына сия алмаған.

Ондайға әділдік қас, көз көргенмен,

Құр айғай құлағына сөз бергенмен.

Жолына жолдас болсаң у теңізі,

Жол қосар елден аулақ безгендермен.

Толымды толқыған күш, қайран қайрат,

Неге жау, құдіретін сезгендермен.

Өмірге опа бермес сөзге ергенмен,

20 Сөзге еріп жалт бұрылып өзгергенмен.

Құмайға бұлбұл қалай телінеді,

Ақ-қара қосылмайды, қаны қанмен.

Ақиқат бетке қалқып бір шығады,

Жаманнан қара күйе кір шығады.

Дегбірсіз ебелектей тұрақсыздар,

Өмірде ақыр бір күн тұншығады.

Жақсыдан қанд

...