Ян Чачот

Буракі

Цешся, шаноўны ліцвіне:

Славай тваёй - ёсць бацвінне!

Немец, француз, прусакі

Любяць твае буракі:

Глуздам ледзь паварушылі -

Гэткі з іх цукар зрабілі!

Ты ж, пацямнелы у твары,

Вэндзішся ў броварнай пары.

Поіш братоў сваіх з хат -

Ну, хіба ж будзе там лад?

Цягнеш і цягнеш вякамі

Ў бровар кашы з буракамі.

Больш пра валоў дбаеш звеку,

Меней жа - аб чалавеку.

Толькі б мець корм для валоў,

Варыш атруту ізноў.

Толькі б палеткі ўгнаіць,

Люд будзеш далей труціць?

Каб не рабіць гэтак болей,

Травы сей быдлу у полі.

Выціскамі ж з буракоў

Шмат можна ўгноіць лажкоў.

Грошыкі ж з цукру без грэху

Сыпацца будуць, як з меха.