Дайындаған: Елмұрат Ораз

 

«Шабыт» баспасы

Алматы, 2022

Жетім бала

Бұрынғы өткен заманда

Шәмшә патша болыпты.

Он бір шаһар басқарып,

Хандық сәулет құрыпты.

Жақын тартып біреуді,

Уәзірім деп қойыпты.

Білімі бар адам деп,

Кейбіреулер сеніпті.

Қол астында осылардың

10 Жесір кемпір болыпты.

Әуес атты, кемпірде,

Жалғыз бала болыпты.

Малдан ешкі, бір лақ,

Қара лашық панасы.

Күнде ұршық иіріп,

Шекпен тоқыр анасы.

Таяқ алып қолына,

Бақты ешкісін баласы.

Әдетінше бір күні

20 Ешкі кетті өрістей.

Көз алдында Әуестің,

Көрінді көк теріскей.

Қарағанға жап-жасыл,

Тамашалап тұр еді.

...