Уладзімір Жылка

Пры Roentgen

Не Фаўстава гэта хата, душа з праклёнам тут не ўваходзе,

Не, гэта Рэнтгена прылада ў магічным харастве ХХ стагоддзя.

Ультраліловыя коскі працінаюць тут мяса.

Людское цела тут адчыняецца, як ліст зашыфраваны.

Пане доктар, неякава мне,

Бы ў грудзях маіх волава й гадзіна тне.

Прасвяціце мне грудзі вы коскамі тымі

І скажыце, што бачна між імі.