Хазірет Халид ибн Уәлид (радиаллаһу анһу)

Олжалы сапар

Мұсылмандардың Мәдина қаласына көшіп барғандарына тұп-тура алты жыл толды. Олар мұнда қоныс аударғанда дүние-мүліктерін Меккеде қалдырып кеткен еді. Жаңа өлкеге барғанда қолдарында бір сабақ жібі жоқ болса да, әркім шама-шарқынша күн көріп кетуге талпыныс жасады.

Меккелік мұсылмандарға Мәдина қатты ұнады, себебі мұнда олар таңдаған дінге қысым-қыспақ жасалмайтын. Әрі сүйікті Пайғамбарымызбен (саллаллаһу аләйһи уә сәлләм) бірге тұрудың өзі де үлкен бақыт еді. Күнде жүздесіп, жолығып, насихатын мұқият тыңдайтын. Сахабаларына көмек керек бола қалса, Пайғамбарымыз (саллаллаһу аләйһи уә сәлләм) да көмек қолын созып, жәрдем беруге дайын тұратын. Осындай жайма-шуақты күйлеріне қарамастан олардың кеуделерінің түкпірінде әлдебір мұң жатты. Олар әрдайым туып-өскен топырағын қатты аңсайтын. Балалық шақтарында қуаласып ойнаған дала көз алдарына елестеп, түстерінде туған елді көріп, жер жүзінің ең қасиетті мекені Қағбаға деген сағыныштары да бір басылмады.

Бірде Пайғамбарымыз (саллаллаһу аләйһи уә сәлләм) түсінде серіктерімен бірге Қағбаға барғанын көрді. Ертесіне әлгі түсін баяндап бергенде, достары

ерекше толқып, жанарына жас кептелгендер де болды. Пайғамбарымыз (саллаллаһу аләйһи уә сәлләм) түсінің аяны ретінде, сөзінің аяғында жақында Меккеге жол түсіп тұрғанын, сол үшін дайындала бастау керектігін білдірді.

Бұл Меккеден көшіп келген мұсылмандар үшін зор қуанышты хабар еді, өйткені Қағбаға зиярат жасап, әрі туып-өскен аймақтарына барып топырағын басып, ауасын құмарлана жұтып, аунап-қунап қайту мүмкіндігі туған еді.

Мәдиналық мұсылмандар да Қағбаны көретін болдық деп, жер-көкке сыймай қуанып жүрді.

Көп кешікпей жолға әзірлік аяқталды. Пайғамбарымызбен бірге тұп-тура мың бес жүз адам жолға шықты.

Бірнеше күн жол жүрген соң Меккеге де жақындады. Тіпті қасиетті Қағбамен қауышуға бір-ақ күн қалды. Меккеге жақындаған сайын, бәрінің көңілі алабұртып, ерекше жүрек толқуын бастан кешті.

Бірнеше күндік жол оларды әбден титықтатты. Соңғы күні Пайғамбарымыздың нұсқауымен бір жерде қонуға шешім қабылдап, дереу көшті тоқтатты. Бұл аймақ Худайбия деп аталатын.

Келе жатқан жолаушылар жайлы хабар Меккеге де жетті. Мұны естіп Меккелік мүшріктерден маза қаша бастады. Шұғыл жиналып, келе жатқан мұсылмандарды Меккеге кіргі