Валеры Маракоў

Цяпер ў грудзях другiя словы

Цяпер ў грудзях другiя словы,

Другi агонь ў душы жыве,

I гэты спеў бадзёра-новы

Да светлай праўды ў свет заве.

Злятае сон!.. Мiнае крыўда!..

Вясна мне глянула ў вакно.

Цяпер пад сонцам ў поле выйду,

Куды хацеў iсцi даўно.

I там, над рэчкай i над полем,

Я вып’ю ранiцы зару,

Каб песняй радасцi i волi

Праславiць свету Беларусь!

Каб гэты спеў бадзёра-новы

Развеяў крыўду i туман,

Бо зноў цвiтуць прыволля словы,

I лепшых слоў ў жыццi няма!