Валеры Маракоў

Будзе вечар

Будзе вечар —

Юнак чарнабровы

Над палямi, над ёй, над дарогай

Хмурыць сумна

Маўклiвыя бровы,

Сыпаць ў сэрца любоў

I трывогу.

I раскажа цыганка цыганам

(А ў цыганкi

У сэрцы агонь),

Што учора

На сонечным ранку

Ёй сказалi пра новы закон:

Хутка будуць

Ў iх хаты i нiвы,

Залатая таемнасць зямлi…

Будзе бераг

Краiны шчаслiвай

Ўсiх прыйшоўшых з блукання

Хмялiць…