Салауаттың маңыздылығы

Салауат айтудағы басты мақсат – Пайғамбарымызға (ол кісіге Алланың игілігі мен сәлемі болсын) құрмет көрсету. Бұл дүниеде ол кісіге көрсетілетін құрмет – ол кісіні ұмытпау, дінін тарату әрі діннің тұрақты өмір салтында кездесуіне тырысу арқылы орындалады. Ал осы құрметтің ақыретіне қатысты жағы болса, ол кісінің сауаптарының артуын, үмбетіне шапағат етуін, Мақам Махмудқа (мақтаулы мәртебеге) көтерілу сынды ерекшеліктерінің үзілмеуін сұрап дұға ету.

Салауат пен сәлем жолдау Пайғамбарымызбен (ол кісіге Алланың игілігі мен сәлемі болсын) рухани байланыс орнатуға және оның нұрынан пайдалануға мүмкіндік береді. Себебі салауат айтқан адамға Алла елшісі (ол кісіге Алланың игілігі мен сәлемі болсын) де дәл солай жауап береді, яғни мейірім тілейді.

Ислам діні Пайғамбарымызға (ол кісіге Алланың игілігі мен сәлемі болсын) салауат айтуды құлшылықтың сыртқа көрінуінде маңызды һәм өте әсерлі дәнекері еткен.

Салауат айту – таңдаулы ғибадаттардың бірі және Пайғамбарымыздың (ол кісіге Алланың игілігі мен сәлемі болсын) шапағатына қол жеткізудің ең төте жолдарының бірі. Көптеген хадистерде мұсылмандарға салауат айту бұйырылған, бұл ғибадатты орындамағандар сөгіс алады. Ислам ғалымдары да салауат айтудың артықшылығын атап өтіп, өздері де үлкен құлшыныспен осы ғибадатты орындап, мұсылмандарды да осыған ынталандырған.

Салауат – ең қабыл болатын дұға һәм тілектердің қабыл болу шарттарының бірі. Дұғаның қабыл болуы үшін ең аз дегенде басында және соңында салауат айтылуы тиіс.

Салауат айтудың шапағатқа себеп болатынын, пайғамбар есімі жазылған барлық жерге періштелердің кешірім тілейтінін, қияметтің ауыртпалығынан ол кісіге көп салауат айтқандардың құтылатынын көптеген хадистерден білеміз. Пайғамбар есімін ести тұра салауат айтпаған адам айыпталатындай ұнамсыз іс жасады деп есептеледі.

Бисмилләһир рахманир рахим

ﺍِﻥَّ ﺍﻟﻠَّﻪَ ﻭَ ﻣَﻠَﺌِﻜَﺘَﻪُ ﻳُﺼَﻠُّﻮﻥَ ﻋَﻠَﻰ ﺍﻟﻨَّﺒِﻰِّ ﻳَﺎ ﺍَﻳُّﻬَﺎ ﺍﻟَّﺬِﻳﻦَ ﺍٓﻣَﻨُﻮﺍ ﺻَﻠُّﻮﺍ ﻋَﻠَﻴْﻪِ ﻭَ ﺳَﻠِّﻤُﻮﺍ ﺗَﺴْﻠِﻴﻤًﺎ

1. «Расында, Алла (ең сүйікті құлы, пайғамбарлардың ең арда