автордың кітабын онлайн тегін оқу Адал сауда жұмаққа жеткізеді
Құрастырған: Данияр Жігітбек
Адал сауда жұмаққа жеткізеді
Алматы, 2024
ӘОЖ 28
КБЖ 86.38
А 24
ҚР Мәдениет және ақпарат министрлігі
Дін істері комитетінің дінтану
сараптамасының оң қорытындысы берілген
Құрастырған: Данияр Жігітбек
А 24 Адал сауда жұмаққа жеткізеді. – Алматы: «Таным» баспасы, 2024. – 40 бет.
ISBN 978-601-7929-02-2
Қолдарыңыздағы кітапшада сауда-саттықта жүрген адамдарға аят-хадиске негізделген кеңестер берілді. Бизнесті дамытатын, адал табысты көбейтетін, саудада опық жегізбейтін, бұ дүниеде де, ақыретте де мол табысқа жеткізетін ақыл-кеңестердің берері мол.
Барша оқырман қауымға арналады.
ӘОЖ 28
КБЖ 86.38
ISBN 978-601-7929-02-2
© «Таным» баспасы, 2024
Шыншыл әрі сенімді саудагер (бизнесмен, кәсіпкер) (о дүниеде) шейіттермен, сыддықтармен және пайғамбарлармен бірге болады1.
Сөзі һәм ел-жұртпен қарым-қатынасы дұрыс саудагер қиямет күні Арштың көлеңкесін саялайды2.
Шыншыл әрі сенімді саудагер (бизнесмен, кәсіпкер) (о дүниеде) шейіттермен, сыддықтармен және пайғамбарлармен бірге болады1.
Сөзі һәм ел-жұртпен қарым-қатынасы дұрыс саудагер қиямет күні Арштың көлеңкесін саялайды2.
Әбу Дәуіт, буйуғ, 8; Тирмизи, буйуғ, 4; Дәрими, буйуғ, 8.
Ибн Мәжә, тижарат 1.
1. Саудамен айналысу – мақтаулы іс
Ризықтың оннан тоғызы – саудада...3
Расулалланың (с.а.с.) «Алла өзінің еңбегімен күн көрген құлын жақсы көреді»4 деген сөзі бар.
Әзірет Омар (р.а.) халифа болып тұрған тұста кейбір кездері сауда жағдайын білу ниетімен базарларды аралап жүріп шет жақтан, алыс аймақтардан келген саудагерлерді ғана көрген кезде налитын. Мұсылмандарды да сауда-саттықпен айналысуға шақыратын. Олардың «саудамен айналысуға мұршамыз бола бермейді» деген сөздерін естігенде: «Алланың атымен ант етемін! Сендер базарда сауда жасауды тастайтын болсаңдар, ер адамдарың бөтен ерлерге, әйелдерің бөтен әйелдерге мұқтаж болып қалады» деп саудаға барынша көңіл бөлуге үндейтін.
Мұсылман жұртшылығы Абай атамыз айтқандай: «Аллаға сеніп, өз қайратыңа сүйеніп, еңбегіңді сау. Еңбек етсең қара жер де береді құр тастамайды» деген сөзін өмірлік қағида етіп ұстанулары керек.
Ризықтың оннан тоғызы – саудада...3
Ибн Мәжә, Зуһд 5.
Мунауи, Файзул Қадир 3\244-245.
Расулалланың (с.а.с.) «Алла өзінің еңбегімен күн көрген құлын жақсы көреді»4 деген сөзі бар.
2. Саудаға қатысты Ислам үкімдерін үйрену
Білім алу – әр мұсылманның парызы5.
Сауда-саттықпен айналысатын әр мұсылман Ислам дініндегі өз кәсібіне қатысты үкімдер мен маңызды ұстанымдарды білуі және білмейтін мәселелерін мамандардан сұрап білуі керек. Өйткені әсіресе, сауда-саттық мәселесінде білімсіздік адам баласын ниет-пиғылы таза болған күннің өзінде де харамға ұрындыруы бек мүмкін. Әзірет Омар (р.а.) былай деген екен: «Исламның саудаға қатысты үкімдерін білмейтіндер біздің базарларымызда сауда жасамасын»6. Сондықтан белгілі бір кәсіпті бастамастан бұрын сауда-саттыққа қатысты шариғат үкімдерін жіті зерттеп, ұстаздармен ақылдасып, саудадағы адал мен арамның аражігін ажыратып алу маңызды.
Білім алу – әр мұсылманның парызы5.
Тирмизи, уитр 21
Ибн Мәжә, муқаддимә 17.
3. Өз ісінің шебері болу
Алла тағала барлық нәрседе ихсанды (өз ісін толық һәм жақсы жасағандардан разы болады) қабыл алады7.
Расулалланың (с.а.с.) мына аса маңызды сөздері әрбір кәсіп иесіне үлкен мотивация берері сөзсіз: «Алла тағала кәсіп иесі болған және кәсібінде шебер болған мүминді жақсы көреді»8. Ендеше, Алланың сүйікті құлдарының бірі болу үшін, өз саламызда барымызды салып, жұмысымызды барынша көркем түрде атқаруға, шеберлік шыңына шығуға тырысуымыз керек.
Алла тағала барлық нәрседе ихсанды (өз ісін толық һәм жақсы жасағандардан разы болады) қабыл алады7.
Мүслим, Саид 57; Тирмизи, Диәт, 14; Дәуіт, әдеб 111
Әбу Яғла, Мүснәд, 7/349; Табарани Мужмәул-әусат, 1/275.
Расулалланың (с.а.с.) мына аса маңызды сөздері әрбір кәсіп иесіне үлкен мотивация берері сөзсіз: «Алла тағала кәсіп иесі болған және кәсібінде шебер болған мүминді жақсы көреді»8. Ендеше, Алланың сүйікті құлдарының бірі болу үшін, өз саламызда барымызды салып, жұмысымызды барынша көркем түрде атқаруға, шеберлік шыңына шығуға тырысуымыз керек.
